› 選擇地區
三藩市
紐約
洛杉磯
其他美國地區
香港 台灣 北美
 
2017年06月05日

【那些年的黎明】《原振俠》卡士最強 《阿Sir早晨》演教師暫別公仔箱

建立時間 (HKT): 0605 00:02

數番手指,黎明喺1986年贏得新秀季軍後,獲大台安排加入劇組,先後參演過處境劇《城巿故事》、《男兒本色》、《回到唐山》等,到1989年,黎明同陳松伶合演《天涯歌女》,該刻以已故著名女歌手周璇作故事藍本,由松松姐姐演周璇,黎明演其夫嚴子華,黎明喺劇中演出備受讚賞,其後劇集陸續有嚟,更喺同年嘅《晉文公傳奇》首次擔正,同劇仲有歐陽震華、羅慧娟同郭秀雲等。

相關新聞:【天王級電影史】《超級學校霸王》三缺一 黎明《甜蜜蜜》擄掠少女心

不過數到黎明嘅代表作,應該係以下呢幾套:

《天涯歌女》
1989年,黎明喺《晉文公傳奇》首次擔正,不過,呢套都唔及同年推出、由佢同陳松伶合演嘅《天涯歌女》,《天涯歌女》以已故著名女歌手周璇作故事藍本,由松松姐姐演周璇,黎明演其夫嚴子華,黎明喺劇中演出備受讚賞。

相關新聞:【天王拍劇喇】黎明相隔23年重返電視界 已入組拍40集大陸長劇

《回到未嫁時》
喺1990年,黎明獲安排同周海媚合演《回到未嫁時》,佢哋更因此劇被傳戲假情真。故事由八妹(周海媚飾)同浩然(黎明飾)結婚兩年後嘅生活開始,點知一次意外,八妹重返4年前,想盡辦法返回現實嘅佢更失憶,佢重走與張浩然拍拖之路,但期間佢發現好多秘密,由於八妹唔想重蹈覆轍,決定逃婚……

《人在邊緣》
呢套好可能係較年輕嘅觀眾對黎明劇集最深印象嘅一套,黎明喺劇中演不良份子,故事有講佢重回正軌,又有少少同表妹(羅慧娟飾)嘅拍拖情節,再有佢點樣面對生父(方剛飾)及姨媽(吳浣儀飾)之間嗰啲家族情仇嘅抉擇,真係好考演技!

《今生無悔》
係1991年推出嘅劇集,亦係黎明同周海媚繼《回到未嫁時》再合作嘅作品,黎明再演反叛不羈嘅角色,又先後同邵美琪及周海媚喺劇中有感情線,之後又要面對家人被害及想報仇但又未報到嗰種折磨……o依家聽好似劇情老土啲,但當年係煞食嘅。

《原振俠》
改編自倪匡經典同名《原振俠》小說嘅時裝科幻劇,呢套劇堪稱超強卡士,包括有李嘉欣、王菲(當年仲叫緊王靖雯)、朱茵同洪欣,4女拱照黎天王,其他合演嘅仲有劉兆銘、吳岱融、魏駿傑、關海山同錢嘉樂等,莫講話部份演員已經去世,剩係要再gather番呢堆人都勁有難度!

《阿Sir早晨》
黎明對上一套喺大台拍嘅就係《阿Sir早晨》,唔做不良份子唔玩chok,做個善良熱血教師,成個題材勁新,有「Mall姐」宣萱做黎明同事、李綺紅做黎明女友,古天樂就做黎明老友,當年班「學生」都大個晒,好似富家女婿吳家樂、轉行賣蛋牛治嘅伍文生、「動L」響朵嘅戴耀明等。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載