蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年06月08日

【獨家】「半裸少女」楊家寶封盤 被爆與同期藝訓班學員拍拖唔敢認

64,942
建立時間 (HKT): 0608 00:01

早前喺《不懂撒嬌的女人》同林文龍有一幕床上戲嘅楊家寶(Bobo),雖然只有幾秒鏡頭,但燦爛笑容加上雪白肌膚,令人留下深刻印象。

相關新聞:【目標係視后】《不懂撒嬌》胸襲林文龍 楊家寶宮女look學偶像上位

雖然家寶未去到女神級,但呢個名字已經多咗人留意。最近有讀者爆料,指楊家寶與同是第26期藝員訓練班嘅李嘉晉拍拖,由於佢哋唔係一、二線小生花旦,所以一直以嚟拍拖都好輕鬆,周邊朋友全部知曉,平時吃喝玩樂都會孖公仔一齊去,喺佢哋嘅社交網上唔難發現對方蹤影。

楊家寶日前接受傳媒訪問時,被問到係咪同李嘉晉拍拖?佢喺電話中不置可否咁話﹕「咦,咁搞笑,哦....我哋嗰班(26期)都好融洽,唔好意思,工作中。(係咪拍拖?)哎吔,冇乜特別,現在都係工作為主。(係咪暫停收兵?)唔係,一路都唔係呢啲女仔,冇收兵,都係專注番工作啦。」而李嘉晉一開始就衝口而出答﹕「係。」後來改口話﹕「一段時間嘅好朋友。(係咪拍拖?)呢個問題要等大家分析,我又冇講大話,總之工作優先,多謝大家留意。」

相關新聞:【同期同學上緊位】何廣沛紅到拍港姐宣傳片 兩大咪神好搶鏡

其實都明白嘅,家寶入咗行都有5年,但通常都係被派演閒角,較重要數到《愛‧回家》第二輯中飾演任莉芝(GiGi),做瑜伽老師,周旋係張繼聰同黃翠如之間,但迴響都冇《不懂撒嬌》嘅幾秒鏡頭咁勁。事業剛起步,當然要將戀情密冚,免粉絲傷心啦。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載