› 選擇地區
三藩市
紐約
洛杉磯
其他美國地區
香港 台灣 北美
 
2017年06月08日

【吳婉儀下月做外婆】同亞視老友記做舞台劇 米雪:見番晒好開心

攝影:曹家誠
建立時間 (HKT): 0608 17:41

米雪、吳婉儀、魏秋樺、林韋辰同馮素波等今日現身觀塘,為香港學生輔助會主辦嘅「誰來愛我」慈善舞台劇記者會,其中米雪係再度幫呢個機構演出,今次仲會有院舍學生參演添,佢話:「今次演出嘅全部都係亞視班底,見番晒好開心,有啲o依家一齊喺TVB開工。」

米雪仲話因為藝人朋友一呼百應,所以自己到時負責嘅角色,要勞煩導演再作安排。目前同步拍緊新劇,米雪話時間的確比較緊迫:「噚日外景已經曬咗一日,好彩我哋有瓦遮頭,司棋姐同王浩信佢哋仲準備咗好多嘢飲消暑,聽日又要出海繼續拍。」

至於吳婉儀就透露即將榮升外婆:「第一次做婆婆,個女7月尾就生啦,套劇8月公演,到時真係會好忙。」到時使唔使幫手湊孫?婉儀姐話:「唔湊啦,湊大幾個仔女都湊到怕啦,不過到時都會幫手嘅。」而魏秋樺就透露到時會飾演一名染上毒癮嘅妓女,佢話:「角色係真人真事,對自己都係好大挑戰。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載