蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年06月13日

【《詭探》專訪】初出茅廬演技備受讚賞 陳子豐:我真係好鍾意演戲

11,239
建立時間 (HKT): 0613 00:00

楊偲泳、陳子豐喺ViuTV自家劇集《詭探》中,分別飾演警隊神秘部門「第七行動組」成員神婆同Joe,雖然佢哋初出茅廬,首次拍劇,但就獲讚賞演技夠自然。早前佢哋接受《蘋果》專訪,楊偲泳話:「之前大家見我都係MV、微電影,主持技巧又唔係好,所以我想專注喺演戲方面。」而演藝學院畢業嘅陳子豐喺2011年出道,一直被公司委派做節目主持,似乎有啲浪費佢嘅潛質,就連楊偲泳都話:「我同佢一齊上演戲堂,基本上佢係全班最好,冇諗過佢被放去主持個位,其實佢內心有好多嘢可以爆發,記得上演戲堂,佢要即場扮『丁蟹』,佢扮得好好睇,喺《詭探》入面,雖然俾人感覺唔係好多嘢講,但係佢直情入咗角色入面。」難怪陳子豐笑住話:「我成日經過金廣誠(ViuTV製作部副總裁)個位就講『金生,我真係好鍾意演戲架!』

提到劇中嘅警隊神秘部門「第七行動組」,現實生活中,究竟有冇呢個部門﹖陳子豐話:「好似話有咁嘅部門,但唔係警隊,而係政府有一個咁樣嘅部門去查呢啲嘢,佢哋係點樣查呢,例如有個地方鬧鬼,佢哋就去嗰度查啦,點解會有滴水聲,原來係因為漏水,點解會有鞋聲,夜晚有人行,原來係乜乜乜,佢哋係要用好科學去解釋,然後寫番個報告出嚟,但就唔會好似我哋用茅山去解決,聽講係咁。」好多觀眾對於半小時嘅劇集表示唔夠喉,佢哋笑住話:「係呀,我都覺,好多人都話要加鐘,都係一件好事,你哋想加鐘,即係想繼續睇啦,都開心嘅,雖然加鐘係冇乜可能!」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載