蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年06月25日

【iPad變巨乳】《踩過界》蔡思貝嘈到癲想熄機 張振朗取代吳卓羲

207,801
建立時間 (HKT): 0625 00:04

有睇過《夜魔俠》嘅觀眾,再睇《踩過界》,真係可能會___一聲,「嘩!致敬得咁足呀!」

相關新聞:【無綫敢唔敢播?】35歲譚凱琪全裸示人 《踩過界》過晒火位

有關《夜魔俠》同《踩過界》雷同之處,詳見另文。呢度不如講下啲角色。

《踩過界》喺大陸譯名叫《盲俠大律師》,同愛奇藝合作,以單機拍攝,實景拍攝(法庭當然係廠景)。「盲俠」王浩信嗰種充滿自信、胸有成竹加寸嘴同貪錢本色,處處隱隱透出《盲探》莊士敦——劉德華嘅影子。至於癲姐蔡思貝,唔知係咪監製整蠱佢,明知觀眾對佢嘅分貝不勝負荷,偏偏安排又演大癲大肺角色,動輒尖叫咆哮情緒時刻Keep住high。演嗰個攰睇嗰個都攰。而蔡思貝嗰棚爆牙,都令人諗起《食神》嘅火雞姐。

相關新聞:【似到踩晒界】人物設定跟足《夜魔俠》 《踩過界》場景熟口熟面

但係,蔡Baby睇得出係真係有俾心機去演,真係睇得出佢嘅用力程度,值得加獎,特別係第三集裝假大胸泳池色誘魏惠文一幕仲要被對方捏胸,蔡思貝確係夠晒放。

除咗蔡Baby繼續「輪迴」自己之外,無綫力捧嘅張振朗都係重覆佢嘅戲路,就如對上嗰部《全職沒女》,有啲似吳卓羲嗰種懶係型仔但又不修邊幅又愛尋根究底,動態表情都如出一轍。吳卓羲嗰種爛撻撻有破壞冇建設(好心做壞事)發揮到極致,唔知全盛時期嘅張振朗又會重複幾多次自己?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載