蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年06月25日
馬上成為壹會員

【依然笑得出】晒博士證書騷捐款收據 Celine爸爸譚順生:冇迫任何人跟我唱歌

建立時間 (HKT): 0625 14:22

年僅9歲嘅譚芷昀早排參加《全美一叮》America's Got Talent爆紅,為港爭光,原本係美事,點知間接令老竇譚順生是非纏身。最先由家燕媽媽開炮,指譚順生疑似撬學生,話佢個人居心叵測,仲叫佢唔好影響到個女。(新聞連結: http://bit.ly/2tImAk8 )繼而就係話譚順生屈《中國好歌聲》冠軍張翊龍係自己學生,之後再被揭歌唱獎項同本身首歌面世嘅年份有出入(新聞連結: http://bit.ly/2t8KAQY ),最後仲有人質疑佢個博士銜頭真確性。

相關新聞:【深感抱歉】學生欣賞教女方法而嚟? Celine爸爸:冇講過有音樂專業資格

雖然負面新聞一籮,但今日,譚順生出席新碟發佈會時,依舊心情靚靚笑吟吟,而佢亦趁機同大家逐點交代如下,不過記者會就講明冇設記者提問時間。

「第一,就係關於《中國好歌聲》,其實任何人有興趣跟我學唱歌,我都冇任歡迎,我唔會考究佢係咪我學生,或者有冇老師,全部我都係歡迎嘅,我亦都冇強迫過任何人跟我學唱歌,咁其實迫唔到o架,全部都係自願,有自己嘅決定同選擇。」

相關新聞:【囡囡曾被睇中收徒】胡諾言拒評Celine爸 陳琪:畀佢自己選擇

「第二,至於家燕姐嘅指責,喺之前嘅聲明中已經交代過,呢度唔特別再交代啦,特別要交代嘅,就係我自己返到嚟香港,第一時間做咗之前承諾嘅嘢,借呢個機會向家燕姐致歉先,令到佢覺得煩擾,我返到嚟,就用家燕姐嘅名義,將8萬蚊嘅捐款捐俾保良局,可以喺度騷張receipt俾大家睇,返嚟之後幾個鐘,我就做咗呢個動作,因為承諾永遠都係承諾。希望呢件事上可以告一段落。」

「第三,網絡上面嘅獎項,歌曲年份有出入嘅問題,因為真係事隔20幾30年,我係憑我嘅記憶,去同我助手講有呢啲呢啲獎項,咁可能係我疏忽,我處理得唔好,我係冇親身去核實資料嘅準確性,令到出嚟嘅資料有差異,我喺呢度向大家講聲唔好意思,我重申我啲獎項係真嘅,我承諾我嚟緊擺出嚟嘅任何資料,受過今次教訓之後,我係會好審慎處理我所有資料。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載