蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年06月28日

【大陸歌手空降】會展「慶回歸」晚會 傳中央台插手 無綫坐歪

26,729
建立時間 (HKT): 0628 00:03

香港特別行政區成立20周年,國家主席習近平明日便會抵港,逗留三日兩夜。警方已經講明每日會出動8,000警力,其下榻嘅君悅酒店及會展更嚴密佈防,包括準備習總周五(30號)晚八點,將會出席會展舉行「慶祝香港回歸祖國二十周年文藝晚會」。

相關新聞:【逾60警力戒備】會展慶回歸晚會 嚴查工作人員「政治敏感」黑名單

據知,今次呢個大型慶祝活動,本來係由無綫一手包辦製作,但日前就收到密令通知,話中央台將會全權接手負責呢個騷,大台嗰晚負責幫手打點。咁突然咁兒戲?

《蘋果》收到消息,話大台為咗做得「好好睇睇」,早幾個月前已經傾好晒成個rundown,亦已經好低調咁聯絡咗一啲「乾乾淨淨」嘅歌手藝人參與演出,有份被「點燈」嘅,英皇佔咗三個,包括李克勤、容祖兒同古巨基,重量級啲嘅有林子祥、葉蒨文、甄子丹、黎明,另外仲有莫文蔚、王祖藍,同理大台幫嘅林師傑、劉佩玥、譚嘉儀同馮允謙一堆人。至於大陸方面代表就有郎朗、韓磊、譚維維、姚珏等約10人。

咁,成個騷有咩改動?就係因為中央台安排咗一啲大陸歌手大駕光臨演出,所以嗰晚上台嘅本地薑,只可以喺台逗留兩分鐘左右。

鄧梓峰接受傳媒查詢時就承認會做司儀,喺回歸15周年文藝晚會中同樣做司儀嘅佢,有冇覺得今年保安特別嚴密?佢就話未去過場地,所以唔知道。問佢知唔知當晚有乜嘢演出單位?鄧梓峰都話唔清楚。無綫企業傳訊部對外事務科則表示,無綫對《蘋果》所有查詢不作回應,而旗下有3位歌手參與嘅英皇亦未有回覆。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載