› 選擇地區
三藩市
紐約
洛杉磯
其他美國地區
香港 台灣 北美
 
2017年07月13日

【稱六狀元想做醫生係「自慰式」想法】前大狀林作:呢單嘢我企硬!

建立時間 (HKT): 0713 00:02

每次林作發言,都總係擦邊球……今日中學文憑試DSE放榜,6名新「出爐」的狀元均表示想從醫。牛津大學數學系畢業嘅前大律師林作在facebook爆粗批評他們只是「思想狹隘(narrow-minded)嘅讀書機器,難有大成就」,不應「自慰式(masturbatory)咁埋首喺自己狹窄專業世界」。爆粗係指,林作爆咗句「TMD」。

相關新聞:【開車前咪飲!】林作「自慰論」惹爭議 揸Tesla落中環借酒解愁

有網民稱留名等睇Delete post,林作堅定地謂:「從來唔會。」

有人問:「讀醫都算可以濟世,你會為社會貢獻什麼?」林作答:「我可以真正用意見改變社會。醫生做不到。」有網民接口:「你令社會改咗邊度呀?講出嚟分享吓哩?」也有人譏:「你咪又係做律師,narrow minded」

相關新聞:【撐舊愛?】林作批評DSE狀元 麥明詩:佢係話多元化對社會好啲

但問題核心,係,除咗香港醫療系統負擔沉重之外,仲有就係,點解個個都揀讀醫?有人說:「由於狀元多少都被機器教育制度洗腦,所以喺香港會出現很多低分高能和高分低能的人。」林作就稱:「個問題係 group think。當個個狀元都係咁選擇時,你就知道佢哋唔係為興趣,理想,只係覺得其他狀元同歷屆人都係咁選擇,所以我都咁。」

也有高人想到:「香港成長的小孩大多只知長大後(不是想)是應該當律師醫生,但在外國很多空間大看事物很不一樣,外國成長小孩大多天馬行空,思想空間很闊,『將來自願』每天在變,今日想當農夫,明天想當馴獸師,後天當school bus driver非常有趣!所以好希望能看到更香港孩子思想空間更闊更有幻想空間創意,不一定律師醫生!才有更多發展空間。」林作歎道:「香港咁樣落去會係庸才當道。」

或者大家都可以睇睇羅冠聰點講,他在FB寫道:「狀元們都想讀醫,不必驚訝。香港教育制度本就不鼓勵創新多元,不喜歡跟marking scheme的人,不會唸得好。反而,狀元們在考公開試具備的卓越技能,與從醫所需求的記憶力、謹慎和精準吻合,自然是絕配。我關注的,是在僵固教育制度下,被忽視卻天賦異稟的學生。」

晚上,揸緊車嘅林作,都要拍片澄清,之後又於live節目講一次,稱呢六位狀元係「人云亦云」,「人哋做乜你做乜。」又一邊撥髮一稱稱,呢六個人,如果炒股票死梗。

晚上林作接受《蘋果》訪問時,堅持今次會企硬:「我所講嘅自慰式,其實係好西方嘅講法,其實喺facebook status,我係特登寫埋masturbatory呢個字,點解呢,其實西方嚟講,呢種講法唔止係sexual嘅嘢,而係同時係講自high嘅嘢,你自己覺得做到好開心,但其實對世界完全冇影響,所以我今日特別有註解呢個字。」

「好多謝傳媒其實有quote呢句嘢出嚟。呢單嘢我企硬,亦有好多支持我嘅人,private message都有,插嘅人佢點都插㗎啦!呢個係真㗎,香港社會如果最精英嘅人去做醫生,就係設立緊壞例子,因為真正做公共事務,去貢獻社會,就會唔見咗好多叻嘅人,剩番啲弱雞嘅渣人,庸才當道,呢個係好危險。

「我斗膽講句,如果啲班最叻嘅人走出嚟,幕前又好,政界又好,去影響呢個社會,香港社會係好好多,我係想講香港嘅人力資源配套係錯咗。有人話我講呢啲嘢係呃like,得鬼閒咩,我使做呢啲嘢?有咩好處呀,可以令到社會引發呢個辯論嘅,呢個就係有個價值喺度囉,我唔係偽人,虛偽個偽。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載