【同班同學】祖藍祖兒一齊讀馬鞍山信義 黃翠如係學妹

王祖藍同好多香港人一樣，喺公共屋邨長大，曾經都貼地過。呢位屋邨明星，喺大台做諧星一炮面紅，仲紅到返大陸賺人仔。

相關新聞：【入晒血】扮嘢扮到上大陸爆紅 王祖藍做埋經理人公司老闆

喺祖藍嘅小學同學之中，有一位比佢更早紅透半邊天，佢就係天后容祖兒喇，兩人都係馬鞍山信義學校讀書，兩人相識接近30年。早年佢哋一班舊同學約埋老師飯聚，仲派功課，拎番啲舊作業嚟睇，好有紀念價值。兩人小學同學仲有黃翠如大家姐，而翠如BB就細佢哋少少，同校但唔同學年。

至於祖藍長大後，就報讀演藝學園，03年以一級榮譽畢業，相當威水。而佢演藝同學事業發展都各有千秋，好似出名好爸爸好老公嘅張繼聰，雖然未獲大台頒獎肯定，但都孭重飛，仲喺《老表》系列一齊拍劇。

相關新聞：【獨家】素顏亞男做跟得老婆 2億樓王祖藍超市掃特價包

另一位同學白只，做咗好多年舞台劇，15年憑電影《踏血尋梅》，連奪金像獎最佳男配角同最佳新演員。白只曾於訪問中講過，演藝好多同學都好勤力，但又唱得，又演得戲嘅就少啲，而祖藍就係其中一位。