蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年07月17日

【韓流】《野蠻女友》集集追:吳漣序唔原諒周元 二人情斷

11,114
建立時間 (HKT): 0717 22:05

由周元同吳漣序主演嘅韓劇《我的野蠻女友》(野蠻女友)嘅韓國月火劇(逢周一及周二晚播出),聽晚就大結局,今晚就播出第29及第30集(即第15集),港劇迷依家就可以喺Viu app上同步追看免費繁體字幕中文版本。

承接上一集《野蠻女友》講到飾演才子甄佑嘅周元原來係令到惠明公主(吳漣序飾)嘅母親被廢嘅罪魁禍首,周元向皇上坦承一切,皇上大怒話0依家連見周元都唔想見。至於公主亦質問周元,周元未有否認,令公主大感傷心。

第二日皇上話要親自審問犯人,此人正是中殿朴氏(尹世雅飾),並質問尹世雅當年點解要陷害公主嘅生母,皇上更要脅尹世雅要供出其他共犯,左相大人鄭基准(鄭雄仁飾)擔心自己受牽連,即時勸皇上唔好用私刑。周元同使節姜俊英(李正信飾)講如果搵到「鬼面具」咁一切就會真相大白。

中殿尹世雅此時被軟禁,公主勸佢放下執念,又指左相大人唔會留活口。左相大人夜會中殿尹世雅,中殿以為左相想殺佢滅口,點知左相竟然獻計:「我嚟係畀機會你,要是殿下...早點駕崩會如何?到時候娘娘就可垂簾聽政了。」之後中殿就向皇上認罪,承認十年前所做嘅一切就受周元父親大提學甄弼淵(曹熙奉飾)所指示,皇上竟然信以為真,即時下令捉拿周元同佢父親。

周元因為兒時犯下嘅錯誤令到父母受牽連大感慚愧,周元父親叫兒子唔好自責。公主趕到皇宮同皇上求情話周元父子係無辜,另方面周元嘅妹妹甄熙(鄭多彬飾)同周元母親就去到搵左相大人女兒多延(金允慧飾)幫手,叫金允慧喺左相大人面前講好話,但金允慧卻無情拒絕二人,仲將周元送畀自己嘅禮物燒掉:「只有將其毀掉,才不至於落入他人之手!」

左相大人威脅周元要負上所有責任,要不然佢身邊人都會受到牽連,當中包括家人及公主,周元即時大感激動。公主希望慈惠大妃能夠幫手救周元,大妃就話畀公主聽周元之前因為失憶先唔告知公主實情,近日為咗補救一切先到處張羅,公主非常心痛。公主喺李正信幫助下成功見周元,公主話雖然明白周元所做嘅一切,但仍然無法原諒對方,因為周元確實害到自己嘅生母,周元傷心痛哭,兩人情斷。

中殿尹世雅喺左相大人嘅安排下打算偷走,當佢抵達碼頭後先發現根本冇接應嘅船,此時仲有黑衣人現身想殺死中殿,好在此時左相大人嘅左右手月明就趕到,為救中殿而死。至於左相大人就密謀造反,仲覺得自己就係天下嘅新主人。而「鬼面具」喺左相大人住處被生擒,原來「鬼面具」正正化係李春風、恩城大君(楸城大君嘅弟弟)。公主亦發現周元消失喺監獄中,而再有另外嘅「鬼面具」向左相大人發箭!

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載