蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年07月20日

【身世可憐】有米繼父環遊完世界 陳瀅撒嬌:終於記得陪女兒

210,711
建立時間 (HKT): 0720 18:32

27歲「宅男女神」陳瀅(Jeannie)身世幾可憐,喺佢未出世時,生父患腦瘤去世,後嚟媽咪改嫁,生咗弟弟,對陳瀅不聞不問,將佢同家姐交咗俾住喺溫哥華嘅外婆照顧,自細一直好少同媽咪接觸,媽咪亦冇理過陳瀅,唯一照顧佢嘅人就係……繼父!!

陳瀅今日喺Instagram貼咗父女合照,留言:「老爸環遊世界完,終於記得係時候陪陪女兒了!」相中見陳瀅嘅背影,右手繑緊繼父,二人喺屋苑行緊,似係一齊返家,陳瀅更貼出一個emoji,不過只係一個男人同一個小女孩。完全冇提過生母!

其實之前陳瀅接受訪問時都講過佢同生母嘅關係有幾惡劣,細個喺加拿大成長,都係因為生母唔理佢,陳瀅前年接受訪問時,直認與媽咪好少傾偈,有次媽咪問佢同邊幾個拍拖,指佢哋娛樂圈啲人就係咁亂,令陳瀅覺得好委屈。

佢大學畢業之後,一個人走嚟香港做幕前,獨立生活都係多得有米繼父支持,由繼父供書教學,陳瀅又講過由細到大,繼父都好錫佢,所以陳瀅由姓鄭改姓陳,更認為唔可以用姓名去判斷邊個先係爸爸。由於繼父喺廣州做嘢,父女唔係成日見面。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載