蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年07月22日

【我一個人煮 (2)】女神示範性感包餃子 細細粒:我濕到爆呀﹗

25,108
建立時間 (HKT): 0722 00:05

最近喺網上流傳一條短片,內容係話細細粒(陳嘉佳)同Bob拍拖,佢哋嘅節目係食自助餐,結果細細粒由早餐、午餐、下午茶食到晚餐,唔少網民都驚嘆細細粒係食得之人!不過喺現實生活中,細細粒除咗食得之外,佢本身亦係一位煮得之人!

《蘋果》邀請細細粒喺新欄目《我一個人煮》大顯身手(第一集重溫:http://bit.ly/2uF9DMt),本身係上海人嘅細細粒,最出名係包餃子,細細粒今次示範用咗蝦肉同豬絞肉做餡,一款做法係用上湯煮,另一款做法係喺餃子裡面加大量嘅車打芝士,變成「肥絲大隻邪惡芝士餃子」,全程大約用咗一個鐘左右就示範一種餃子兩種食法!

聲稱主力sell自己係賢妻良母型嘅細細粒,講到有網民視佢為女神,佢即刻好溫柔咁話:「我喺廚房係賢妻良母嘅女神,等待白馬王子出現,等佢朝早可以食到我嘅餃子,午餐同晚餐都可以食到我嘅餃子,娶咗我真係好幸福。」唔知佢係屬於邊類型女神?細細粒話:「我覺得自己係多方面,我嗰種性感係骨子裡透出嚟嗰種尤物嘅性感,係男性先睇到性感尤物係我!」講完仲即場示範性感包餃子,點知做完都忍唔住狂笑。

不過亦有人覺得細細粒好鬼嘈,佢喺呢方面亦有自己嘅見解:「嘈係好事,當呢個世界太過寧靜,寧靜係等於沉默,或者寂寞,但係嘈就係等於歡樂同快樂,所以嘈係幾咁緊要。因為我演繹出嚟嘅嘈,其實都幾歡樂吓,直到係歡樂趣味性爆炸。嘈都係一個藝術,好似嘈得嚟咁可愛真係好少,以我叫嘈可愛。」

講到底,唔知細細粒又鍾意邊類型嘅男士呢?佢有啲怕羞咁話:「到鍾意就cup of tea,我自己冇乜要求,搵個自己鍾意,鍾意食我啲嘢食就得。我去到呢個30出少少嘅年紀,冇乜要求,你見我事業線有幾深,就知我係事業心有幾強,緣份呢樣冇乜特別強求,有就有、冇就冇,我煮自己鍾意食嘅嘢,等我餵飽自己先!」佢仲話:「娶到我真係幸福!」

係咪睇到好肚餓呢,《我一個人煮》第一集,唔好錯過:
【我一個人煮(1)】大廚苛刻鬧到喊 人妻徐淑敏親授金箔燉梨伴呍呢拿雪糕
http://bit.ly/2uF9DMt

採訪:何慧斯
攝影:仇志德
場地:Kohler Kitchens
鳴謝:H&M Home

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載