› 選擇地區
三藩市
紐約
洛杉磯
其他美國地區
香港 台灣 北美
 
2017年08月08日

【傳離婚結束9年情】43歲陳煒月前同老公和平分開 靠工作麻醉

建立時間 (HKT): 0808 13:15

日前先傳江美儀同長居北京嘅吳君祥感情亮紅燈,估唔到同樣係分隔異地嘅陳煒都出事。

相關新聞:【動畫●同夫家關係麻麻】註冊當日老爺奶奶甩底 陳煒臨時搵老公工人做證婚人

43歲陳煒喺2008年同細佢3年嘅台灣富商顏志行結婚,息影做跟得夫人,近年忽然復出,喺大台劇接劇,有傳同老公聚少離多,感情有變,更指陳煒老公顏志行身邊多咗個台灣歌手鄭雙雙,二人不時出雙入對,又好似「老闆娘」成日去顏志行開嘅私房菜餐廳。

今日有周刊指,陳煒9年婚姻玩完,上年陳煒拍大台節目,老公都有現身,仲喺鏡頭前晒恩愛,不過陳煒月前去橫店開工,拍《深宮計》一、兩個月,有知情者指陳煒喺劇中唔使好多時間開工,顏志行都冇去探班,反而同鄭雙雙去咗峇里出席朋友婚宴,原來一個月前,陳煒同老公提出和平分開,本來同老公一齊報咗個心理學課程諗住感情有得掹,o依家都取消咗,陳煒再接新片《果欄中的江湖大嫂》,用工作麻醉自己,唔使埋位時一面愁爆。

相關新聞:【離婚後即復出】唔做闊太靠自己 陳煒「胸」走無綫小花

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載