› 選擇地區
三藩市
紐約
洛杉磯
其他美國地區
香港 台灣 北美
 
2017年08月08日

【前妻餵湯咩味道?】稱呼顏志行為老闆 陳煒出招谷節目

建立時間 (HKT): 0808 19:27

陳煒今日接受傳媒訪問直認早喺5年前、即係佢宣佈復出嗰陣,已經同其台灣生意人老公顏志行離婚。(新聞連結: http://bit.ly/2uCcr8z )

相關新聞:【傳離婚結束9年情】43歲陳煒月前同老公和平分開 靠工作麻醉

離婚真係兩個人嘅事,故陳煒一直秘而不宣,一直否認,舊年仲搵顏志行上佢個節目《煒哥的味道》嚟宣傳,喺節目中,陳煒仲當眾餵「老公」飲湯。

事緣陳煒同顏志行婚姻亮紅燈傳得太行,舊年喺大台上緊位嘅陳煒,即於自己主持嘅飲食節目《煒哥的味道》中,顏志行現身出鏡,當時陳煒咁樣介紹顏志行:「呢個係我老闆,亦都係我老公顏先生。」

相關新聞:【動畫●同夫家關係麻麻】註冊當日老爺奶奶甩底 陳煒臨時搵老公工人做證婚人

稱顏志行係「老闆」……

當時顏志行公開讚陳煒「在家很賢慧」,被問到會唔會介意太太拍親熱戲,顏志行醒目喇,唔正面回答,只謂「老婆是專業演員」嚟交代。

當時亦有指陳煒喺高雄拍攝期間,顏志行曾夜訪陳煒下榻嘅酒店,主持拍檔阮兆祥曾喺商台開咪時爆料,陳煒亦直認「我屋企個老闆深宵到訪」,到底是宣傳技倆還是掩眼法?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載