› 選擇地區
三藩市
紐約
洛杉磯
其他美國地區
香港 台灣 北美
 
2017年08月08日

【關係半公開】陳煒前夫與27歲女歌手 廚房Sweet到大廳

建立時間 (HKT): 0808 20:35

瞞離婚逾5年,陳煒同前夫顏志行絕對稱得上口密,雖然夫妻離異,但離奇在舊年陳煒拍大台節目《煒哥的味道》,顏志行依舊以陳煒老公身份亮相,二人更係鏡頭前晒恩愛。

相關新聞:【傳離婚結束9年情】43歲陳煒月前同老公和平分開 靠工作麻醉

話分兩頭,陳煒同前夫除咗被指聚少離多,夫妻步伐越行越遠,亦有指顏志行搭上27歲台灣歌手鄭雙雙。兩年前,顏志行同鄭雙雙喺網上晒合照,舊年顏志行餐廳開幕,鄭雙雙更親自撐場。當時已有傳二人關係密切,但陳煒當時就以「老婆」身份,堅稱二人冇拍拖。陳煒仲話自己都識鄭雙雙,如果佢哋真係有嘢,點會將啲相貼上網。對於飛台灣箍煲之傳聞,陳煒當時稱:「佢影到我去旅行社畀錢啫,但我唔係去台灣,係諗住過兩日同朋友飛去首爾買吓衫。」

而被指介入陳煒同顏志行婚姻嘅鄭雙雙,喺11年第一屆參加台灣歌唱節目《華人星光大道》,成為最後15強入娛圈,而呢一屆中,楊宗緯、蕭敬騰、林宥嘉都有參加,一直紅到依家。

相關新聞:【動畫●同夫家關係麻麻】註冊當日老爺奶奶甩底 陳煒臨時搵老公工人做證婚人

至於鄭雙雙,只係喺14年出過專輯《Night》,之後兩年喺樂壇都冇乜歌出,反而喺佢FB中,就有佢自彈自唱嘅相,佢亦不時大晒比堅尼火辣相,同時亦有大量美食相,同開餐廳嘅顏志行志趣相投。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載