蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月11日

【add即時.尚】獨家!鄧達智醫生男友剖白 大學四年級發現轉「基」

168,668
最後更新: 0811 14:35 / 建立時間 (HKT): 0811 00:01

鄧達智(William)今年6月與同性醫生陳梓欣(Clement)訂婚,消息傳出後,哄動一時。鄧達智來自傳統圍村原居民,陳醫生來自保守醫療體系,兩人攜手突破框框,同志關係愛得坦白又公開,無懼世俗眼光。

相關新聞:【add即時.尚】婚姻平權討論都被否決 鄧達智醫生男友:香港落後啲

Clement早前應《蘋果》邀請,罕有接受訪問,大方談及自己的過去及未來。

原來Clement同志啟蒙之路,來自一部電影:《神父同志》。Clement於訪問中娓娓道來:「我好遲先知,係大學四年班。我係基督徒,返教會,當時睇到一套電影《神父同志》,最初感覺係,喺教會度,唔係教我哋要互相相愛咩?咁當一個神父有咁嘅情況,點解我哋唔係應該更給予愛心同支持?後來發現,喺自己思想中,都有對男性有好感呢個成份,就覺得要正視啦。」

相關新聞:【add即時.尚】鄧達智9.9擺AA制百人宴 計劃環遊歐洲1個月

其後Clement去咗一間同志教會探討,亦一如許多同性戀者,最初並無和父母提及:「爸爸嗰時過咗身,媽咪係健在,但呢個問題屋企係唔容易接受,我自己當時都唔容易接受啦。」Clement當時已經就讀醫科,未考慮過將來職業,之後曾到南非做交流生,亦去過蘇丹等地做無國界醫生。

鄧達智視Clement為人生真愛,Clement過去亦有幾段伴侶關係:「我覺得我以前嘅partner都好好,但William有一種對愛情嘅熱情,令人有初戀感覺嘅憧憬,係我想像不到。」

兩人相差十幾年,年齡於Clement眼中,完全沒構成問題:「無!佢好後生,心智上,身體上,我白頭髮仲多過佢,咁呢點係同基因有關係啦。佢一得閒就散步,我有時間仲唔瞓咩,攰到死。」

訪問當日有段插曲,為了影大草地及夕陽之光嘅相,訪問臨時改到灣仔君悅對面花園進行,無做防蚊措施,Clement、William同記者們一齊狂餵蚊,流住汗狂搲痕之際,Clement發揮醫生本色:「我見到有啲真係白紋伊蚊!」唔係啩!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載