蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月11日

【人氣繼續升】夾《不懂》餘威成搶手貨 袁文傑:真係好感恩

20,424
眼見o依家多咗好多機會,袁文傑話好感恩。
建立時間 (HKT): 0811 17:15

亞視出身嘅袁文傑,過咗檔無綫之後,佢喺劇集《不懂撒嬌的女人》入面,飾演霸氣大老闆游生,外界對袁文傑嘅反應都好受落,令到佢人氣急升咗好多!

雖然劇集已經播完咗一段時間,但係袁文傑嘅工作有增無減,最近佢仲同陳瀅合作,為Montblanc舉辦嘅「密室逃脫」遊戲拍咗一輯宣傳片,袁文傑扮演首領介紹任務,陳瀅就會做特務接受挑戰。

今日袁文傑接受傳媒訪問,佢話:「今次真係幾好玩,雖然拍攝嘅時間唔係好長,但係出嚟嘅效果都好有MOOD,有份參與呢個廣告,我都好開心。」

其實自從《不懂》之後,袁文傑嘅工作量的確係多咗,佢話:「真係好感恩呀,除咗外界俾咗好多工作機會之外,喺公司都係多咗好多機會,有好多其他部門嘅製作人、監製叫做對我多咗啲認識,所以都有搵我做不同嘅節目,好似啲綜藝節目或者宣傳片,嚟緊又會參與一個關於寵物嘅節目,始終公司有咁多人才,要俾佢哋認識,都唔係一下子可以做到,今次最幸運係對內對外都有呢個效果。」

拍劇方面,袁文傑就話:「嚟緊我都會客串拍《開心速遞》,好玩嘅地方係拍住滕麗名,喺劇裡面我哋會有一個非常非常緊要嘅關係。跟住又會同陳煒喺《果欄中的江湖大嫂》合作,基本上9成9嘅戲份都會見到佢,因為我哋嘅關係有啲曖昧嘅感覺,佢哋兩個都係女主角,啲戲集中喺佢哋身上,真係幾幸運。」而佢有份客串嘅《雜警奇兵》會喺9月底播出,袁文傑話今次會俾大家另外一種感覺。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載