蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月13日

【講甄子丹?】自導自演票房近45億 吳京:謝謝他當初的看不起!

225,230
最後更新: 0813 21:46 / 建立時間 (HKT): 0813 17:16

【新增內容】

吳京自導自演嘅電影《戰狼2》截至今日下午2點上咗18日,票房已近45億人民幣,依家仲可以每日收約2億,睇嚟部戲過50億冇乜難度,吳京亦正式由昔日配角變為一線明星,人紅就會好多人爭住挖番佢啲新聞嚟寫,呢兩日台灣同內地都挖番當年佢拍《殺破狼》時同甄子丹嘅恩怨,話吳京最近出來宣傳,講番舊日同子丹嘅不和傳聞,佢回應話:「謝謝他當初的看不起!」

話說吳京俾Ba叔(陳達志)睇中同佢簽經理人合約,仲投資開拍《殺破狼》捧佢同甄子丹、任達華、洪金寶合作,但傳聞話吳京戲中俾人擠壓,話佢未夠班,所以係咁將佢戲份刪晒,最後個角色連對白都冇,當時吳京收到劇本都好嬲話:「連對白都沒有,叫我怎樣演呀!」到部戲上時,Ba叔想海報入面加埋吳京入去,但有人反對,後來俾吳京知道,當然好嬲,佢話以後唔會再同某人合作拍戲。大陸好多報道都認定吳京當年應該係同子丹唔啱傾,如果唔係,佢唔會咁有骨話多謝子丹當初睇佢唔起!

其實早喺《殺破狼》當年上時已經傳過佢哋不和,不如問下呢部戲出品人黃柏高(Paco),佢話:「當年子丹絕對冇擠壓過吳京,呢啲傳聞唔係真嘅!我仲加咗吳京戲份㖭!當年吳京係新人好多導演都睇唔起佢係好正常,當睇到佢潛能就知佢係得嘅,我一直睇好佢,所以第2集已經俾佢做主角,第3集亦預佢演,不過佢依家咁勁,等改好劇本之後再搵佢傾下先。」

不過今日喺網上面,就有一個聲稱係吳京嘅回應出現,入面指:「首先,甄子丹從沒有說過看不起吳京的話,找得到他說這句話的實錘再來逼逼怎麼黑他我都認。
第二,殺破狼巷戰是經費不夠的情況下甄子丹求制片人特意給吳京求來的一場戲,甄子丹一心想讓別人出彩想完成一個好的電影沒想到多年之後竟然成為一把捅他自己的刀。
第三,殺破狼巷戰這場戲是由甄子丹在內的三個動作指導一起設計的,並不是像某些人所說的沒有套招是真打,把別人的勞動成果據為己有自己的良心不會痛嗎?
最後想說,甄子丹為了動作電影兢兢業業的付出,卻被謠言重傷這麼多年,不知道身體上的上和心理上的傷哪個更讓他難過,希望更多的人能看到真相,停止傷害這麼好的一個人了,感謝。」

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載