蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月18日

【噚晚玩擘髀】《同盟》鹽花系列 敖嘉年床戰李璧琦伸脷餵酒

235,883
最後更新: 0818 12:58 / 建立時間 (HKT): 0818 00:01

【新增回應】

《同盟》嚟到第9集,繼續家族同幫會情仇,然後打打打、無限槍戰,都係嗰啲啦……

今集焦點,係已經對「大姑媽」鮑起靜起異心嘅敖嘉年,佢為咗捍衛自己同老竇張國強及阿哥林子善嘅利益,暗地裏起圍,而喺佢起圍之前,仲搭上咗女色——目標人物係佢阿嫂李璧琦。

有場講到阿嫂話出去同姊妹飲嘢,叔仔敖嘉年好老奉咁叫阿嫂幫手收料;轉個頭已經飲緊事後酒,李璧琦勁冧豬咁爆料咁叔仔聽,晒到少少長腿,仲有少少身材,最吸睛嗰一鏡,係敖嘉年隊咗兩啖酒用嘴對嘴方式餵李璧琦飲,當中,係見到至少有一邊條脷有出嚟過鏡見觀眾……

嘩,睇到掩眼!

但敖嘉年更快手,喺被李璧琦「佔上風」之時,好快手咁拎起張被遮住……

相對之下,敖嘉年做衰仔咗,諗住以退為進、o氹掂嫲嫲梁舜燕就可以冇事甩身,點知鮑姐唔中計,將計就計踢佢出局,lur地都冇用……

然後,今集另一focus落喺「表哥」姚子羚度,佢喺劇中對陳山聰死心塌地,仲為咗幫山聰媽咪鮑姐還清白,寧願查自己阿爸郭鋒。點知今集郭鋒一番親情告白,姚子羚感動到喊出「豆豉眼」咁滯,然後揀咗信阿爸,可惜山聰唔生性,搞到姚子羚勁傷心,大滴大滴眼淚流落嚟。(不過郭鋒嗰段愛妻宣言,講得勁有感情,完全符合佢現實中對老婆專一專情嘅風格…)

不過,真係睇完《同盟》先知,原來香港咁多屋可以挖到個秘密地庫出嚟,而且入面啲裝條簡約得嚟,間隔好實用吓,唔知屋宇署有冇派過人上門check屋呢呵?

身在台灣錄歌兼拍MV嘅李璧琦(Becky),講到今次演出,佢話:「今次係我嘅第一次,呢個都係角色設定,配合劇情發展,之後所有角色都會各有各激㗎,我都好感謝監製搵我,所以我都要盡力做好報答大家。拍嗰陣嘉年好nice,大家好comfortable下完成,希望大家會對此劇留下深刻印象啦!」Becky仲話:「我自己都希望多一點突破,今年會向音樂方向發展了! 」

(電視截圖) (電視截圖) 明明李璧琦係林子善老婆(電視截圖) 明明李璧琦係林子善老婆(電視截圖) 轉個頭已經瞓喺敖嘉年隔籬(電視截圖) 轉個頭已經瞓喺敖嘉年隔籬(電視截圖)
幾開心!(電視截圖) 幾開心!(電視截圖) (電視截圖) (電視截圖) 爆咗料,求獎賞。(電視截圖) 爆咗料,求獎賞。(電視截圖)
有啖酒飲咁啦,其實都唔知有冇一啖,喺口邊漏晒出嚟……(電視截圖) 有啖酒飲咁啦,其實都唔知有冇一啖,喺口邊漏晒出嚟……(電視截圖) 緊接住甜戰(電視截圖) 緊接住甜戰(電視截圖) 敖嘉年真係好幫手,遮住阿嫂免蝕低。(電視截圖) 敖嘉年真係好幫手,遮住阿嫂免蝕低。(電視截圖)
鏡頭再轉,已經係帶罪之身(電視截圖) 鏡頭再轉,已經係帶罪之身(電視截圖) 另一焦點係「表哥」姚子羚(電視截圖) 另一焦點係「表哥」姚子羚(電視截圖) 聽完郭鋒嗰段愛妻宣言,勁冧豬。(電視截圖) 聽完郭鋒嗰段愛妻宣言,勁冧豬。(電視截圖)
喊到走少少樣都冇計啦…(電視截圖) 喊到走少少樣都冇計啦…(電視截圖) 但呢滴眼淚係被山聰激喊嘅(電視截圖) 但呢滴眼淚係被山聰激喊嘅(電視截圖) 同場加映,間屋話咁易就有地庫。(電視截圖) 同場加映,間屋話咁易就有地庫。(電視截圖)
連陳展鵬暫住嗰間都有(電視截圖) 連陳展鵬暫住嗰間都有(電視截圖) 講到鹽花,又點少得胡定欣晒腿?(電視截圖) 講到鹽花,又點少得胡定欣晒腿?(電視截圖) 仲有條腰睇吓嘅(電視截圖) 仲有條腰睇吓嘅(電視截圖)
噚晚(周三)呢集就俾胡定欣搶晒鏡(電視截圖) 噚晚(周三)呢集就俾胡定欣搶晒鏡(電視截圖) (電視截圖) (電視截圖) 仲要咁樣…(電視截圖) 仲要咁樣…(電視截圖)
(電視截圖) (電視截圖) 呢場戲唔知係咪向《Lucy》致敬?定係向《復仇者聯盟》「致敬」?黑寡婦咁好身手,都冇可能連人帶凳原地跳起再打空翻仲可以去到對方頭頂咁高啦。 (電視截圖) 呢場戲唔知係咪向《Lucy》致敬?定係向《復仇者聯盟》「致敬」?黑寡婦咁好身手,都冇可能連人帶凳原地跳起再打空翻仲可以去到對方頭頂咁高啦。 (電視截圖) 唔信睇番條片… (《復仇者聯盟》影片截圖) 唔信睇番條片… (《復仇者聯盟》影片截圖)
 黑寡婦都要先借力彈起,先可以連人帶凳打空翻。   (《復仇者聯盟》影片截圖) 黑寡婦都要先借力彈起,先可以連人帶凳打空翻。 (《復仇者聯盟》影片截圖)  (《復仇者聯盟》影片截圖) (《復仇者聯盟》影片截圖)  (《復仇者聯盟》影片截圖) (《復仇者聯盟》影片截圖)
《Lucy》係腿張開再反撲… (《Lucy》影片截圖) 《Lucy》係腿張開再反撲… (《Lucy》影片截圖) 你話係咪「致敬」? (《Lucy》影片截圖) 你話係咪「致敬」? (《Lucy》影片截圖)
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載