› 選擇地區
三藩市
紐約
洛杉磯
其他美國地區
香港 台灣 北美
 
2017年08月18日

【警察世家有脾氣】火爆新人袁詠儀 當眾鬧王晶

建立時間 (HKT): 0818 21:50

90年港姐冠軍袁詠儀,警察世家出身,全家上下都係警察,自細就可以打橫行,由細到大都幾霸道,而且勢力太大,無人可管到佢。

相關新聞:【插爆某演員扮大牌】成龍手指指怒贈五字:看你幾時完!

唔止激嬲成龍,靚靚就連王晶都照鬧。2013年佢應邀上《最佳女主角》做嘉賓,話當時上位太易,做完《勁歌》主持就做《我愛玫瑰園》主角:「我覺得自己好好喎,你唔會覺得自己唔好。」

試過一次,「當時有燈光師好大聲嗌我,同我講:『你企出嚟啦,你睇唔到自己俾人遮住啲光咩?』中間梗係夾雜其他語言啦,當時我覺得自己好勇㗎,我話:『我識就唔會企喺度啦!』我係多管閒事,警察嘛,由小到大,屋企大小事都由我主持公道,我慣咗以為任何環境都可以咁,o依家當然識諗。」

相關新聞:【缺席宣傳理由係「冇人通知我」】袁詠儀踢爆成龍真嬲豬:大哥入咗我數

至於鬧王晶嗰次,靚靚話:「佢應承幾點放我走,你知啦,紀律部隊好準時,最多差十五分鐘,唔可以差太遠,唔係我會發癲㗎。但次次夠鐘嗰陣都唔放人,啲製片又唔知死晒去邊,你又唔敢走喎,但其他製片等緊。

「嗰陣我瞓緊,有人走埋嚟,細細聲講:『起身喇』,我一起身就鬧啦,應承放人又唔人咩咩咩咩,鬧鬧鬧,望清楚啲先至知係導演,梗係即刻扮瞓過啦!」

女新人指住導演嚟鬧呢單嘢更成為報章焦點報道,靚靚謂:「通常啲人係指住製片鬧,我就指住導演鬧。」唉…

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載