蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年08月19日

【我一個人煮(10)】何傲兒留給最愛的蟹蓋 契爺林建名都未食過

14,312
建立時間 (HKT): 0819 07:02

曾經被封地獄廚神何傲兒(Lily)再接再厲接受挑戰, 下廚炮製一味「芝士焗釀蟹蓋 」,菜色最有難度是拆蟹肉,亦是最花時間心機,何傲兒說:「第一次整時以為係成功,原來失敗,人哋食到啲蟹肉裏面有殼,味道幾好成件事破壞咗。」

經歷失敗也懂得自我安慰,眼見何傲兒切蘑菇、帶子、洋蔥材料算是有點功駕,不過刀法略帶危險,還大頭蝦將刀背調轉,何傲兒笑言:「放心我有gel甲,其實我唔太鍾意睇食譜,煮食鍾意一路整一路試味隨心所欲,只要雙手乾淨同食物熟就ok,失敗唔緊要,女仔唔一定煮餸叻先加分。」

何傲兒曾經用心炮製鬆弛熊咖哩飯給前度男友,細心以特製釘書機整一對紫菜眼晴放上飯中。她坦言屋企人較少品嚐到她的手勢,今次呢味用心菜色「芝士焗釀蟹蓋 」又最想給誰吃呢?何傲兒答案竟然是:「我整過幾次覺得最花係時間剝蟹殼, 所以唔會輕易煮畀人食 ,等有一日百日宴時候我就會煮畀另一半食啦。」老闆契爺林建名無緣試到愛將手勢,何傲兒好謙虛說:「老闆鍾意熱鬧,公司聚會party時會見到面,煮嘢佢食唔好喇,我廚藝唔得住。反而同佢囡囡口味相近,之前我地仲一齊去東京旅遊。」

何傲兒離開大台後多元化發展,在內地有一定工作,早前專登在北京學戲劇和國語打開巿場,將會拍劇為主,希望做一個非人角色,她說:「細個就鍾意睇《聊齋》, 對一啲角色情有獨鍾, 想做妖精或者神仙,食人嗰啲都ok㗎,自己都好鍾意睇鬼怪嘢,又要驚又要睇。」

採訪:卓寶花
攝影:沈健程
場地:Kohler Kitchen
鳴謝:H&M Home

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載