蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月10日
馬上成為壹會員

【四太攬到實】民主女神為建制站台?麥明詩稱﹕我支持好朋友

建立時間 (HKT): 0910 17:14

麥明詩面對政治議題向來敢言,當選港姐之初,就被爆曾參予雨傘運動,當日佢喺Instagram寫上﹕「天下無不傘之筵席」,被封「人民民主女神」。

相關新聞:【高唱《我願意》】四太叫阿仔追麥明詩 猷亨表明唔敢同林作爭

不過,今日有澳門讀者爆料,指麥明詩噚日為四太梁安琪率領嘅「澳門發展新連盟」站台,為17號舉行嘅澳門立法會選舉拉票。而該黨正是澳門一個建制派政治團體,麥明詩與首次出選、四太二仔何猷亨一齊站台,仲收咗支太陽花,但讀者就覺得麥明詩對澳門嘅立法會選舉認識唔多,亦唔了解四太過去喺澳門立法會嘅公職,所以對麥明詩好失望。

麥明詩今日回覆傳媒時否認撐建制派,純粹係支持好朋友,佢話﹕「我同猷亨認識咗好多年,人生第一次見佢咁努力同投入,好想鼓勵佢,其實我都唔知背後嘅政治立場,下次會小心啲。」《澳門日報》報道,現場介紹,麥明詩原來係何猷亨喺英國讀書時認識,仲係梁安琪幼女何超欣嘅補習老師,稱麥明詩係「路過」撐好友。據了解,麥明詩同猷亨雖然讀唔同嘅大學,但林作與猷亨既是中學同學,而在英國讀書嘅華人唔算多,大家都係當地寄宿,所以認識後會互相幫忙而成為好友。

而四太亦似乎都好鍾意呢位「十優港姐」,前年麥明詩同四太一齊出席活動,都硬要拉埋阿仔猷亨一齊合照,未知聲稱現在係單身嘅麥明詩同猷亨有冇機會發展呢?(相關新聞﹕ http://bit.ly/2gUdpIm )

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載