蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月11日

【預告缺席年尾頒獎禮?】去杜拜旅行充電 容祖兒爆阿Sa男友塞咗嘢入袋

25,405
建立時間 (HKT): 0911 15:25

容祖兒今日出席《IFPI香港唱片銷量大獎2016》頒獎禮,祖兒成為大贏家,她奪得:十大銷量廣東唱片、十大銷量國語唱片、全年最高銷量本地女歌手、十大銷量本地歌手,與及同李克勤一同奪得嘅最暢銷本地現場錄製音像出品及全年最高銷量本地現場錄製音像出品,合共五個獎項。

相關新聞:【5呎11得140磅】為廣州騷變鋼條 林峯:減到有啲精神分裂

祖兒坦言好多謝大家支持,問佢係咪為年尾嘅頒獎禮打咗強心針,祖兒話:「其實我今年冇歌,我一首歌都冇,即使我出席,都係純粹支持囉!我都等緊歌詞,都會出歌嘅,我都唔係諗住要去爭第一嘅心態,反而係如果我有時間,我去支持嘅話,我會好開心去戥我啲朋友攞獎囉。」記者取笑祖兒係咪預早講定唔出席頒獎禮,佢笑話:「早啲講定嘛,唔係一陣你哋(記者)又問。但今日攞獎就開心嘅!」

多年來祖兒都有好多獎都係連任,記者就問佢可擔心會斷纜?祖兒話:「首先我又唔覺得連任係必定要做嘅事,亦都唔係一個健康嘅現象,對大家嚟講都想戥我開心,我都好多謝,但如果樂壇有一啲更好嘅、更值得攞獎嘅,咁佢哋得到獎,我都會好高興,同埋以我來講,都已經超額完成咗我一生要做嘅嘢,以我嘅條件來說,我都好隨遇而安去面對自己未來所有嘅工作。」

相關新聞:【拉頭馬贏五位數】好想做馬主 吳若希:希望之後有消息公佈

講到人生階段,在場記者即追問到祖兒何時結婚,祖兒話:「諗吓先啦,呢啲嘢又唔係must嘅!」問到有冇人求婚?佢即話:「冇冇冇...呢啲嘢要慢慢諗清楚先啦!要慢慢思索囉!」之前同蔡卓妍(阿Sa)去杜拜旅行,有冇同阿Sa傾過佢嘅新男友,祖兒聞言話:「最緊要係我睇到嘅佢(阿Sa)係好容光煥發,(阿Sa有冇成日報到?)有視像,我只係可以透露咁多啫,(有冇介紹你識?)我哋識咗㗎喇!我哋閨密嚟㗎嘛!阿Sa有帶紙巾出街呀,平時冇㗎,有人提佢呀,有人塞咗包紙巾入去呀!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載