蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月17日

【真空著旗袍走光】拍過三級片又離過婚 前亞姐曾小燕變身澳門賭后

324,161
最後更新: 0917 17:48 / 建立時間 (HKT): 0917 13:40

今屆港姐嘅認受性備受質疑,澳門區還出了個代表澳門參加國際小姐的麥嘉欣,一有比較就更高下立現。

選美,從來都唔係真係所謂「各花入各眼」。

但留意番,麥嘉欣其實唔係「澳門小姐」,佢只係代表澳門參加國際小姐。「澳門小姐」係另一回事。

香港人關於「澳門小姐」的回憶,已經係上世紀八九十年代嘅事,仲關亞視嘅事。

曾小燕,1986年澳門小姐三料得主,1988年再報名參加亞姐獲得亞軍。嗰年就真係轟動,因為發生過露毛事件。當年曾小燕為求喺旗袍環節時效果好啲,竟然膽粗粗唔著底褲、真空上陣,點知喺後台換衫嗰陣畀人偷拍露毛照。

之後亞視承認安排失當,仲即時集齊眾佳麗同在場人士認人,誓要搵出偷拍真兇。曾小燕無疑係受害人,但當年有報道話,事發翌年曾小燕參選《國際佳麗小姐》時,又事先張揚喺旗袍環節仍真空上陣,莫名奇妙。

後嚟曾小燕喺呢個圈發展咗一段時間、拍咗幾套三級片好似《色降》、《卿本佳人》、《聊齋艷譚續集之五通神》等之後就離開咗娛樂圈,去咗澳門,嫁人生仔,後來喺囝囝1歲嗰年離婚,曾小燕為照顧個仔,仲入埋賭場打工,做到依家,已經係管理層。

最近奇妙電視又搵番曾小燕,搵佢做專訪,仲稱呼佢做「賭后」。

由露毛事件講起。重提當年不雅事件的心路歷程,曾小燕話:「當時真係接受唔到,好唔開心,喊左好耐,連街都唔想去,因為唔知點面對大眾眼光!」

曾小燕稱:「著旗袍係要顯現身形美態,我唔想內褲摺痕令自己失色,所以真空上陣,點不知咁啱有陣風吹起件旗袍,又咁啱俾傳媒影咗相仲做埋雜誌封面,真係轟動一時。知名度係提高咗,但有邊個女仔希望用私隱去換取知名度?所以嗰段時間我真係好唔開心。」

尤幸小燕得到家人體諒,甚至後來接拍三級片,家人都予以支持:「條路係自己揀嘅,屋企人覺得我只要承擔到就得啦!況且嗰時影圈以拍性感戲為主,搵我拍嘅戲來來去去都係嗰啲,拍得多自己都覺得發揮唔大,最後選擇離開!係咪心灰意冷?絕對係啦!」

退出娛圈後,小燕返回澳門,未幾認識了前夫,拍拖一年即生下兒子Miko,為生計,她選擇從事賭場賬房工作:「在賭場工作算係高薪厚職,做咗年幾,覺得自己在賬房要學的已學晒,咁啱公司覺得我可以勝任公關,所以就轉咗做公關!」

在賭場工作近廿年,小燕由低做起,現時主要打理貴賓廳,見盡「贏開巷」和「輸身家」的人,所以她從不沾賭。至於有冇兼營「副業」(黑人問號???)曾小燕笑道:「副業咪搏賭客俾小費囉,我都試過收10萬、20萬小費,要令賭客開心,就要知道棹忌,例如客人唔鍾意見梳,因為『梳』國語發音似『輸』,做公關就要識做囉!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載