蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月17日

【繼續消費】結咗婚都可以再著婚紗 孫耀威帶Macy sell自家品牌

11,665
建立時間 (HKT): 0917 17:20

孫耀威和陳美詩(Macy)今日夫妻檔,到尖沙嘴美麗華酒店為佢哋自家品牌禮服婚紗行騷,今次係孫耀威首推女裝系列,太太陳美詩穿上孫耀威親自設計谷胸婚紗,他則在旁連串獻唱情歌,場面有如婚宴一樣。

孫耀威在活動上一腳踢,又唱歌又行騷,搞到滿頭大汗,佢話:「後台飯盒、婚紗、吸塵都要顧及,唔止淨係出場咁簡單,啲女仔落台又要幫佢哋接住條裙,後台全部一腳踢。今日媽咪有嚟,姨甥仔幫我行童裝,全家出動。」陳美詩都要在後台幫女仔換衫。

孫耀威創立男裝品牌成立一年,多謝大家支持外,仲講出心底話:「終於有一門生意唔蝕錢,第一次推出女裝,第三間鋪會喺年底開張,今次自己膽粗粗設計女裝婚紗,要自己拮針,拮啲蝴蝶,花咗兩個月時間去做,發夢都見到啲蝴蝶 ,見到條裙咁靚好開心。」仲覺得由曲、詞、編、監、衫都係自己感覺好正。

至於陳美詩則希望老公設計多啲靚衫畀自己,孫耀威話:「幫太太設計時覺得佢身材好似公仔咁,都幾勁下,條腰仲再瘦啲,即係仲fit過公仔㖭。」

孫耀威之前做過幾門生意都冇下聞,難得今次咁有成績,原來佢喺大陸經營嘅藝術紅酒仲做緊:「本來蝕咗好多錢,自己都冇晒心機做,但係設計呢個藝術嘅人早前過咗身,突然好多人就話要買呢一堆紅酒,真係人生無絕處,谷底反彈。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載