蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年09月28日

【搭1:1銅鑼灣雪景】Juno親身同金城武講數 演大財團為毒販洗底

16,092
攝影:曾小嘉
建立時間 (HKT): 0928 19:11

劉青雲、梁家輝、大陸藝人高圓圓、衛詩雅同導演麥浚龍(Juno)等今日喺惠州出席電影《風林火山》記者會。古天樂今趟演一名殺手,青雲演警察、家輝及高圓圓演心理專家,金城武演大財團繼承人,希望製造社會混亂,藉機清洗家族販毒過去。另外,電影仲有唔少串星,包括「單眼佬」程東、杜德偉、林俊賢、李元霸、盧冠廷、黃偉文及鮑起靜等。

Juno喺台上話《風林火山》劇本喺5年前已經構思,當時喺威尼斯為第一部導演作品《殭屍》出席影展,因為時差瞓唔着,所以有呢個劇本出現。其中一幕要喺銅鑼灣營造落雪效果,所以喺惠州搭咗一個1:1嘅銅鑼灣街景。

青雲話電影好多時都係冬天,試造形時見到毛毛大褸,開頭以為喺哈爾濱拍。Juno就同在場所有演員講唔好意思,大熱天時着厚衫開工,家輝仲要化個爛面裝,佢話:「所以開工陪佢哋着外套,令佢哋感覺係陪住佢哋。」

Juno喺台下接受訪問,講到今套電影好想係香港地標發生:「因為要落雪,香港冇辦法,所以要喺內地搭景。雖然係合拍片,但劇本都冇受太大改動,可以照足原本去拍。」佢話套戲前期到目前已經兩年,每一個演員都好好,可以照足自己要求。佢仲話今次已經唔只係一套電影,直情係咁多人完成一個舞台劇,目前只拍好一半,今年內會完成。講到當年親身分別去東京同金城武,去北京同高圓圓見面傾成合作。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載