› 選擇地區
三藩市
紐約
洛杉磯
其他美國地區
香港 台灣 北美
 
2017年10月07日

【亮燈卡士好弱】男藝員靠陳豪撐起 香香分到第一行靚位企

建立時間 (HKT): 1007 23:04

無綫今晚喺將軍澳舉行亮燈儀式,呢個傳統嘅大日子,應該係群星拱照嘅……之但係今年嘅陣容,得罪講句,弱咗啲喎。

相關新聞:【緋聞男女現身】蔡思貝與王浩信合照有尷尬樣 高海寧晒腰

今年嘅大合照,汪阿姐同DoDo姐理所當然企喺第一行嘅中間,撐起第一行嘅男藝員,只係得陳豪同馬國明分別企兩位阿姐左右兩邊,黃浩然、洪永城、王浩信同王祖藍企到呢行嘅最邊邊。喺第一行佔到席位嘅有田蕊妮、黃翠如、黃智雯、岑麗香、李佳芯同黃心穎,卡士真係今非昔比。

被安排喺到後面嘅,就有米雪、李司棋、夏雨、黎諾懿、高海寧咁。至於3位應屆港姐就排咗喺尾二嗰行。至於消失咗嘅藝人就真係數唔晒,當中就包括上緊位嘅張振朗、唐詩穎咁。

相關新聞:【繼續扮暖男】王浩信嗌大家咪取笑YoYo:唔好咁話女仔啦,唔開心㗎

另外,呢一晚嘅表演者都仲係好大膽,好似胡鴻鈞咁真係唱live,不過高音上唔到,低音唔夠低,選擇唔咪嘴,睇得出佢真係用心唱好勇敢。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載