蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年10月09日

【ViuTV準備派錢】陳慧珊同老公鍾家鴻拍真人騷 陳啟泰主持拍劇雙線發展

32,838
建立時間 (HKT): 1009 19:15

ViuTV 2018年節目發佈會,今日於九龍灣展貿舉行,發佈最新節目概況,ViuTV明年將推香港久違嘅派錢節目,嶄新實況娛樂競技遊戲節目《 Good Night Show》,送出總值超過1000萬港幣獎金獎品,但有關方法聲稱一切尚初部構思,監製及藝人等均未落實。

是日現身支持嘅藝人包括陳慧珊、陳啟泰、麥家琪、陳國邦、RubberBand、王貽興、麥紫莉等數十藝人。

ViuTV於明年亦將推出系列適合一家大小的電視節目,包括《 Baby Rider》、《煮吧!換咗我阿媽2》、《闔家學術常識問答比賽2》、旅遊節目如《最熟悉的陌生人》、《飛不甩家毛》、《前前線》、《婚姻五重奏》不但主持名單充滿驚喜,探索之地域亦更廣,更不為人知。創意節目包括《 G-1格鬥會II》、《衝三小喪玩星馬泰》、《胖伴》、《摔角魂》等,健康作主題的《有病有真相》。自製戲劇包括載譽歸來的《詭探2》,王貽興及劉翁自編自導自演的《 VR驅魔人》,全港首創以為死去的人處理殯葬以外身後事作題材的《身後事務所》等,超乎想像。

有份演出《婚姻五重奏》嘅陳慧珊,與老公鍾家鴻一同演出節目,陳慧珊說:「初時搵我哋拍真人騷,講婚姻但唔係咁好,最終可以有好大嘅自由度,講自己嘅故事。老公第一次出鏡,好開心自己能夠produce呢件事有話事權,自己初時入行都係做明珠台製作,可以控製到節目質素,自己做幕後都好有興趣。另外o依家寫緊一個題材關於人生選擇,向呢個方向去做,希望能夠貢獻社會,節目製作仍然傾緊。」

今次為《G-1格鬥會II》拍攝的麥家琪透露,佢拍咗1場比賽就功成身退,家琪話:「拍完之後整親頸舊患,打完之後即刻走,冇後悔參與,都唔辛苦,我覺得未發揮得最好,因為比賽都要講經驗,今次輸咗應該冇復活賽制,雖然淨係打一場比賽,但要付出好多心思,之前太大壓力,所以成面暗瘡。」

麥家琪承認同成班女仔的確有啲代溝,但係自己算融入到,對於之前佢唔肯同麥紫莉合照,佢解釋:「group photo影咗,我覺得唔需要再兩個人影。」問到佢係咪覺得對方形象唔好,所以唔同人哋影合照,麥家琪話:「唔係,我哋都有交流,佢係好乖嘅女仔,好純品,佢只係畀朋友害,我細個都任性過,唔識諗過,佢好乖唔出聲,不過如果佢瘦啲會好啲,可以啱做呢行。」

陳啟泰今次為ViuTV節目《有病有真相》擔任主持,陳啟泰表示,多年前工作半年冇放假,因為要食健康補品提神,足足失眠15年,同時又以為自己熱氣,所以飲涼茶搞到自己身體寒涼,治癒後近年終於可以每天熟睡六至八小時,陳啟泰趁今次機會於節目分享有關飲食禁忌及心得。對於ViuTV推出派錢節目,陳啟泰表示今日第一次聽,佢話:「香港近年好少派錢節目,好似《撳錢》之後就冇,送錢節目係歷久常新,非常贊成推出。」陳啟泰隨後會為ViuTV拍攝一個外判劇,於劇中演黑社會大佬,對於會否返無線拍劇,佢話兩年前有朋友搵過佢,佢話:「其實部頭,所有節目或者係電視劇,如果啱都可以合作。」

於新劇《身後事務所》中演出的陳漢娜,在劇中飾演同性戀者,佢話:「自己唔習慣飾演女同性戀者,劇中最多錫面,底線係唔露。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載