蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年10月31日

【休息一陣】宣佈今年缺席樂壇四大頒獎禮 容祖兒最睇好衛蘭

20,375
建立時間 (HKT): 1031 17:07

容祖兒(Joey)及周柏豪今日去到中環出席Philips聲波震動牙刷發佈會。Joey宣佈今年唔會出席樂壇四大頒獎禮:「我同公司都有共識,會休息一陣,我都冇歌,唔使去啦。」對於未能再奪女歌手獎項,佢話:「點角逐呀!我都冇歌。」問到Joey覺邊位歌手有能力接棒,佢話:「唔好講接棒,就算明明係我攞,但都會覺得我阻住個地球轉,我唔可能喺個寶藏度賴死唔走,今年我睇好衛蘭,佢喺今年唱得最好,佢唱歌好好聽。」

容祖兒仲話,下星期會同阿嬌(鍾欣桐)一齊拍廣告,Joey表示好耐冇見阿嬌,對於阿嬌係咪重色輕友,Joey話:「我唔想咁講,但係有嫌疑。」喺晚上Joey仲喺ig post埋halloween嘅相o添!

同場嘅周柏豪,問到佢好友黃翠如被批演技差,柏豪說:「呢個年代個個都有批評,通常批評都係抨擊,好少宣揚,評論可以寫,但係冇必要攻擊人。大家都有言論自由,我覺得佢做得好好,就算去九日冇瞓覺,每日都係瞓得一小時,都好捱得,好努力,我唔覺得佢做得好好。」

對於《使徒行者》是否開第3集,柏豪說:「要睇三哥同Benz雄,如果多啲人更加正。」 另外柏豪表示會喺內地有五、六場巡迴演唱會,希望加入有關《使徒行者》嘅元素,並邀請袁偉豪及黃翠如等擔任嘉賓。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載