› 選擇地區
三藩市
紐約
洛杉磯
其他美國地區
香港 台灣 北美
 
2017年11月04日

【再靚啲】子華新戲性感海報陸續有嚟 佘詩曼話之後到佢影

建立時間 (HKT): 1104 17:28

佘詩曼今日喺山頂出席第4屆《邁步為兒童》慈善步行籌款,阿佘嘅工作室捐出10萬蚊俾泓福慈善基金,佢表示有定期捐錢:「我覺得我哋o依家好幸福,唔知道肚餓嘅感覺,低收入家庭嘅小朋友經常食唔飽,好慘,小朋友係將來嘅棟樑,一定要強壯,腦部要發達,將來先至對社會好。」

講到黃子華都好支持呢個活動其中一個受惠機構惜食堂,會唔會同對方諗下慈善事一齊做?阿佘話:「好耐之前有聽聞過子華都嚟,我冇同佢溝通,可以各有各做,之後我哋有部電影上映,或者睇下有乜可以做。」

對於佢同子華主演嘅賀歲片《棟篤特工》嘅海報仿效經典電影《鐵金剛勇破海龍幫》,海報中嘅邦女郎露半臀及曬長腿,阿佘透露唔係佢影,佢笑住話:「我靚啲,我去到嘅時候,佢哋已經影完,不過我有詐型點解唔係我影。」怕唔怕被指抄襲?佢表示:「效果有就得喇,純粹搞笑,之後仲有海報,之後係我影,形態上幾性感,似樹熊夾住子華。」此外,提到古天樂早前因拍戲整傷眼而要鏠八針,宣傳電影《常在你左右》工作係咪落喺阿佘身上?佢話:「唔係,我本身都要去,但嗰日佢唔喺度啫,所以唔係頂。」

更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載