蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年11月11日

【韓流】好劇輪住開續集 《Signal》《秘密森林》宣佈拍第二季

12,182
建立時間 (HKT): 1111 09:45

韓國收費台有唔少好作品推出,除了有收視亦有好口碑。劇集反映好,劇迷都起哄要求再拍續集。

而多齣收費台韓劇都落實開拍續集,當中早前已公佈OCN由張赫、李荷娜及金材昱主演嘅劇集《Voice》,已落實開拍第二季,預計明年上半年播出,但演出陣容及播出時期等細節都未落實(相關新聞連結: http://bit.ly/2hoLtRt )。

噚日韓媒再報道有兩部人氣劇集都會推出續集,當中包括去年由金惠秀、趙震雄及李帝勳主演嘅tvN劇集《Signal》,《Signal》係講身處現代嘅犯罪側寫師李帝勳偶然獲得一部對講機,並能夠與15年前嘅刑警趙震雄對話,兩人從而透過對講機對話及查案。由於《Signal》獲得劇迷追捧,所以連之前大台嘅《踩過界》都有抄過佢橋(相關新聞連結: http://bit.ly/2hibcai )。

據知tvN已著手籌備緊《Signal》續集,預計明年下半年播出,不過演員陣容就未確定,劇迷都希望由原班人馬演出。

另一部會拍續集嘅同樣係tvN出品,就係今年上半年播出嘅《秘密森林》,《秘密森林》由曹承佑、裴斗娜等主演,劇集開播以來受到劇迷追捧,故事環繞正義女警同cool爆檢察官一齊查案嘅故事,劇中冇乜感情線,主力集中調查案件,所以深受劇迷歡迎。而劇集將會同樣由李秀妍編劇執筆,不過佢現時正寫緊另一部劇,完成手頭上工作就會著手編寫《秘密森林》續集,之後先會再決定演員同埋播出日期。


更多韓流,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載