蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年11月15日

【獨家】強姦同床戲鏡頭統統不見!無綫向女藝人下令禁性感

233,364
最後更新: 1115 14:31 / 建立時間 (HKT): 1115 11:23

【新增內容】

無綫成日俾人話一台獨大,為咗要確保地位不被動搖,查實佢哋都有好多不成文規定限制藝員同歌手,親生仔女唔可以亮相其他電視台,就算接受訪問都要講普通話,已係正常做法,另外一啲非全職藝員及歌手,只要有合約喺身,除非得批准,如果唔係,亦只可以亮相無綫,礙於無綫嘅覆蓋面大,為咗保住飯碗,惟有啞忍接受!

話晒一間公司有咁多藝人,除非係站穩一線,次次出嚟都已經成為焦點,否則嘅話如果要爭取曝光率,唯一最可行嘅方法,當然係性感示人!只要曝光率夠高,除咗得到觀眾嘅留意之外,可以得到廣告商垂青,一眾新晉小生花旦樂此不疲去做呢件事。

但係話晒無綫O依家逐步染紅,點會容許呢啲咁污穢嘅思想喺電視畫面出現呢?劇集「洗太平地」,連藝人都要潔淨,有人秘密向《蘋果》報料,聲稱掌管藝員管理及發展嘅助理總經理樂易玲,噚晚向全台藝員同事發咗一個工作守則,唔鼓勵有太誇張或者賣弄身體、性感鏡頭。

與此同時,無綫亦唔鼓勵喺劇集製作上,會出現強姦或者床上情慾戲嘅情節,如果劇情需要,只可以用意會形式去交代,又或者需着三點式拍攝,會喺適當時候要著上T恤,甚至如果女藝人出埠做嘢,除非有多於一個女藝人,又或者有女性導演或者PA,否則嘅話需要藝員部有同事跟場。

如果啲藝員真係禁性感,以後啲三、四線藝人點樣先可以KEEP住有曝光率?

據知情者透露,今次「禁性感」呢個命令由「殼王」陳國強親自落order,早喺幾星期前,佢已同高層密斟,直至噚晚先向幕後發出「禁奶令」,有指因為想節目可以打入大陸巿場,所以要嚴禁女藝人倒奶,連劇情同J2旅遊節目都唔可以太出位,如有幕後製作或女藝人唔聽指引「犯禁」,有機會被「炒魷」。

林盛斌(Bob)今年暑假為大台拍《瘋狂夏水禮2017》玩水上活動,大玩濕身誘惑,對於無綫下令禁性感,Bob話:「其實之前暑假拍水上遊戲節目,同事已經安排女藝員全部外面要著T-shirt,因為怕佢哋會走光,我都支持呢個決定,始終TVB有好多家庭觀眾包括小朋友,衣著太過暴露或某些強暴劇情可能對佢哋會有影響。」

守則內容節錄,如下:

致各藝員同事

1.公司已制定製作團隊及創作團隊守則,藝員同事不論拍攝戲劇或非戲劇,公司都不鼓勵有太過誇張女性身材及賣弄性感的鏡頭。

2.公司也不鼓勵製作鏡頭拍攝時太過誇張女性身材及賣弄性感,故日後女藝員如需穿着三點式泳衣拍攝,例如水上運動、浸溫泉等的鏡頭,會在適當時候安排穿上T-shirt。

3.公司不鼓勵戲劇製作涉及強姦或床上情慾戲等情節,如有劇情需要,只會用「意會形式」表達交代。


更多娛聞,喺晒《娛果》
http://fb.com/appledailyent

【拍《法網狙擊》被姦】大台禁性感戲 高海寧:覺得更加尊重女藝人 【突然保守?】前御用被姦女藝人石天欣:由拍強姦戲變着性感衫都唔得 【 千雪讚係好事】大台新守則保護新同事 心穎BB:佢哋會唔夠膽講 【大台禁性感】李佳芯稱藝人應愛惜身體 沈卓盈:拍劇造型係公司安排 【淋香檳‧色誘陳豪】性感有限度 陳偉琪:性感打扮是因應劇情需要 【《巨輪II》被獸父強姦】未收到性感禁令 陳凱琳:我自己尺度係美感 【少咗眼福?】大台下性感禁令 香港先生丁子朗:應該唔關男藝人事啩 【禁泳裝出鏡】《3日2夜》最出事? 陳庭欣:下次再拍會follow新指引 【拍劇露完股】禁性感係整體大方向 胡鴻鈞:唔好將focus擺喺身體 【因乜事禁禁禁?】台慶衣着會多加注意 何雁詩:平時唔係走性感路線 【無綫御用強姦犯】意會代替強姦戲李天翔嗌好 李思欣:TVB尺度其實都好低 【稱禁奶與《森美旅行團》無關】森美稱守則為保護新女 免導演過份要求 【為進軍大陸舖路】《3日2夜》辣火頭 傳有違「禁奶令」即炒 【PG家長指引】大台禁性感 陳國鋒:畫面對觀眾有影響 【大台禁奶令】捧紅「咪神」陳婉衡張秀文 《3日2夜》成絕響? 【一氣呵成足本版】狠插大台「限奶令」 黃秋生:港姐冇泳衣啦,着潛水衣囉 【未收到通知】無懼禁奶令 「咪神」陳偉琪:都想大家留意番演技 【禁奶令】黎諾懿都係受害者 夥黎耀祥拍浸溫泉被要求露肉 【避「鋒頭」…】禁奶令一出 陳庭欣ig貼圖自切「大奶奶」? 【唔會加T恤】月尾去澳洲拍《3日2夜》 張曦雯:少咗水上活動 【出trip同行全部係男】「禁奶令」封胸 黃翠如踩界照着透視裙 【又話禁奶又派奶】李佳芯《誇世代》俾陳豪「硬上弓」 一啲都唔「意會」!
娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載