蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年11月28日
馬上成為壹會員

【張角、董卓造型曝光】《真.三國無雙》煞青 姜皓文:紐西蘭拍攝悠閒啲

姜皓文飾演張角、林雪演董卓,造型曝光。
建立時間 (HKT): 1128 16:00

著名電玩遊戲改編嘅真人版電影《真.三國無雙》,經過8個月籌備,5個月拍攝,由夏天拍到秋冬,日前終於喺紐西蘭煞青,導演周顯揚同監製杜致朗,及一班嚟自中港台嘅演員開香檳慶祝,包括楊祐寧、韓庚、王凱、張建聲。而最新造型曝光嘅姜皓文、林雪,分別飾演張角同董卓,角色造型夠晒搶鏡,個個見過都讚神似。

《真.三國無雙》電影版演出陣容一直引起關注,除咗楊祐寧、韓庚、張建聲做劉關張,王凱做曹操,古天樂演呂布,呂良偉演袁紹,劉嘉玲演鑄劍堡堡主外,而林雪演董卓,姜皓文演張角嘅造型亦已曝光。啱啱喺剛從紐西蘭返港嘅黑仔姜皓文話:「呢次個角色有啲似法師,所以戲服同其他人有啲分別,喺紐西蘭連拍攝嘅節奏都好似悠閒啲。今次同周顯揚,杜致朗合作好開心,感覺到佢哋對電影嘅熱誠,而且佢哋好照顧演員。」

周顯揚同杜致朗今次堅持起用大量香港演員,佢哋話:「呢班都係大家熟悉嘅面孔,要集齊佢哋演出真係唔容易。有啲演員係第一次合作,但經過今次拍攝,大家都變咗好朋友。」周顯揚講到今次喺紐西蘭拍外景,亦係對成個幕後團嘅的另一個體驗:「我哋帶咗好多香港新一代幕後工作人員過去,佢哋可以從中學習。」另外,周導今次他更帶埋3歲嘅囡囡周令昂(Gianna)同行,囡囡喺拍攝現場o氹到個個演員都好開心,煞科道別時,個個爭住抱抱Gianna,仲話好唔捨得分開。

更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載