蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月03日

【恭喜晒】與圈外女友註冊結婚 啤梨葉文輝揀易記日子補擺酒

17,102
建立時間 (HKT): 1203 17:59

DJ啤梨葉文輝今日同拍拖四年嘅圈外女友Michelle拉埋天窗,喺中環紅棉路婚姻登記處註冊結婚。Michelle身穿粉紅色嘅禮服,外面披上毛毛披肩,二人受訪影相時仲一連咀嘴三次。

一對新人接受訪問,原來佢哋今日手上一對戒指由啤梨設計。問到心情啤梨成為人夫嘅心情,佢就話:「今日心情好興奮,噚晚瞓唔着覺,要真正適應做一個丈夫,比之前做婚禮司儀,係完全幻想唔到。我哋兩公婆都好期待,今日都好好天、好順利,亦有好多親朋好友嚟到。」問到佢有冇準備愛的宣言?啤梨話:「今日開始太太會成為我嘅公主,之前係BB,我可以做佢傭人喇!」佢仲話每次聽到人叫佢哋葉生葉太都好感動。

問到註冊時有冇喊?啤梨就話冇不過就好感動:「講誓詞時自己都疾咗一下,因為好緊張,我覺得太太講得好好,好順暢。」佢仲笑言問太太係咪想拍住上做司儀搵食。講到擺酒,啤梨話:「出年先至擺酒,因為想揀個易啲記嘅日子,好似今日12月3號4點就係『1234』,擺酒方面都有啲壓力,要搵個好記嘅日子都真係花盡心思。」有記者提議「5678(5月6日7點擺一百圍)」,啤梨仲話值得考慮。

咁嚟緊會唔會去度蜜月先?啤梨話:「月中會去一轉日本,到時停一停諗一諗。」佢仲話要諗下點先玩得開心啲,因為兩公婆工作都好忙,好多嘢都要籌備,又話買咗個腳架去影相畀大家睇。講到會唔會兩個去三個返,去完旅行多咗個家庭成員,佢話:「都好喎,有梗係開心啦!不過都係順其自然,同埋太太都要調理身體,好多身邊朋友生咗B,都話我哋工作咁辛苦,要補下先得。」問到佢其實係咪已經有喜?佢就緊稱依家未有,仲可以着窄身衫,之後又大讚:「我覺得我太太全世界最靚嘅!」

問到新娘覺得老公點?Michelle就話畀老公「100分」,不過之後就更正:「99分啦!1分進步空間。」問到佢今日雖然谷胸上陣,不過刻意收埋性感,問到Michelle係咪老公唔俾?啤梨就話自己靚就得,不過太太反而話自己保守。


更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載