蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月08日

【專演慈父大商家】無綫資深藝員江漢昨晚離世 享年78歲

469,262
建立時間 (HKT): 1208 21:49

無綫資深藝員,常被派演富商、父親角色的江漢(原名姜永明),昨晚在療養院離世,享年78歲。華南電影工作者聯合會(影聯會)負責人發接受《蘋果》電話訪問時證實死訊。

相關新聞:【享年78歲】江漢愛子心切曾誤墮電話騙局 險失20萬

據悉江漢年輕時好杯中物,晚年患有管脈炎,令行動不太方便,早前曾入院,之後轉去療養院。而江漢與太太都是鳳凰影業公司出身,其妻已通知影聯會江漢叔昨晚走了。

前無綫藝員梁健平昨晚亦收到江漢叔死訊,他說:「噚日江漢叔個女嘅朋友發短訊通知我,話江漢叔噚晚走咗,但冇講詳情。聽到梗係好唔開心啦,江漢叔係一個大好人,以前試過同佢拍《太極》呢套劇,一齊返大陸成個月,我哋都係住埋同一間房,佢為人好客氣好有禮,知我哋伙食唔係咁好,都自己攞錢出嚟請食飯。」

相關新聞:【1959年入行】江漢92轉投無綫 國語片當紅小生變電視台實力演員

羅樂林同江漢份屬好友,但近年少了聯絡,羅樂林晚上接受傳媒訪問時稱:「以前成日同佢一齊出嚟食飯飲酒,不過呢幾年佢成日病,已經好少出嚟,我都成年冇同佢聯絡。聽到佢走咗,都好無奈。人生就係咁無奈。佢係一個大好人,由當年小生做到而家,都係一個大好人,最緊要佢走得舒服。」

江漢叔與妻子王小燕都屬鳳凰影業公司出身,縱橫影視壇已數十年。童星出身的他,演出逾二百部電影,演過無數劇集。年輕時的江漢高大俊俏,是長城和鳳凰電影的當家小生。1979江漢加入麗的電視開始電視生涯,拍過《武則天》、《劍神》、《至尊無上》等劇,92年轉投無綫,遺作是《回到三國》。

江漢當演慈父角色,令人印象深刻是《烈火雄心》飾演古天樂、鄧一君的父親。現實生活中,江漢亦是一位慈父,08年因為愛子心切,誤墮電話騙局,被誘騙20萬元,最終因騙徒被監聽,未有蒙受損失。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載