蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月11日

【生日收乜最好?】關寶慧劉雅麗夾計 劉玉翠被瞞爆喊

14,393
建立時間 (HKT): 1211 18:43

劉玉翠與張崇德今日現身奧海城出席主演微電影《蚪尾》首映禮,電影題材圍繞腦退化症與預設臨終照顧計劃,此片之前入圍歐美多個微電影節,並先後於Best Film Awards獲得最佳女主角等獎項。適逢今日係劉玉翠51歲生日,好友劉雅麗與關寶慧等送上蛋糕及Red Corner Film Festival最佳女主角獎座,由於劉玉翠事前不知好友到來,即感動喊咗出嚟。

劉玉翠表示戲中並唔需要經常喊,因為佢演嘅照顧者,生活已經麻木到唔識喊,直至患腦退化症嘅媽媽走咗之後才抒發情感爆喊。今次想透過微電影帶出預設臨終照顧計劃,希望讓家人能一早得知臨終家人意願,喺危急一刻決定繼續搶救定舒服地離開,劉王翠話:「我都經歷過,嗰刻都唔知點抉擇。」

戲中飾演醫生嘅張崇德都覺得明白醫生可能明知病人冇得救,但仍然唔可以講出口,所以希望今次能夠令家屬們明白應該了解多些家人意願,當面對類似情況便能跟醫生溝通得更好。

憑此戲連奪兩獎,劉玉翠笑指自己命苦,演嚟演去都係類似角色,兼沒有太多人工,佢話:「作為演員能夠拍商業電影以外作品,係好有滿足感,希望大家可以再拍多啲呢類電影,今次能夠得獎係一個鼓勵,我之前都唔知原來再多一個,最感動係喺舊同學手中拎到。」

劉雅麗與關寶慧事前為免穿煲,所以一直唔敢跟劉玉翠有太多聯絡,終於成功令好友感動到喊,兩人笑指任務成功。好友拍到有意義題材作品,佢哋都認同社會應該多拍些類似題材電影,尤其腦退化症問題越來越普及。

更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載