蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月17日

【《鋒味》羅生門】素食廚師:他們答應過我不需煮肉 Mani:事前講咗交換煮

52,330
建立時間 (HKT): 1217 19:45

大陸網絡綜藝節目《鋒味》搵嚟Chef Lemon謝霆鋒同經理人霍汶希做主持,搵嚟大陸同世界各地嘅餐廳廚師同老闆等廚藝高手玩對戰,雖然已經好熟口熟面,但係有霆鋒睇,都吸引到唔少觀眾收看。

相關新聞:【《鋒味》羅生門(2)】有片有真相?「素食女王」稱中文差 Mani:佢係識聽國語㗎

不過日前播出嘅一集就引嚟爭議,事關節目當中有一名喺美國長大,實行素食主義嘅年輕女廚師Daphne Cheng被要求喺節目當中烹調肉類,喺節目上Daphne直接拒絕。

霆鋒表示如果唔煮就會被判棄權,但係Daphne頭也不回就走咗。之後霆鋒再接受《鋒味》訪問,表示台前幕後嘅工作人員都尊重對方嘅信仰同決定,而霍汶希就表示「鋒味戰隊」需要更全面嘅廚師,而唔係單單煮素食犀利。

相關新聞:【《鋒味》羅生門(3)】稱幕後片段失實 「素食女王」Daphne:他們剪走大部份內容

咁嘅情況,有網民即刻喺fb出聲幫Daphne,更指摘霆鋒係公然欺凌同侮辱佢,而Daphne見到之後,都有用英文留言解畫:「我是被邀請參加這個節目,作為一名素食廚師,被主流節目接受是一個很棒的機會,他們答應過我的原則會被尊重,我不需要烹調肉類,當評判於第一輪表示下次我要烹調肉類時,因為我的中文能力有限我理解錯誤,而且他們其後亦一直表示我不需要煮肉,會允許我繼續當一名素食主義者。不幸地最終不是這樣,我本來希望能夠展示素食佳餚,讓中國看到這個節目。」

而有份主持節目嘅經理人霍汶希(Mani)接受《蘋果》訪問時回覆表示:「其實第一輪一個煮肉一個煮素、一個肥一個瘦嗰個呢,其實已經同佢講,因為一個煮素一個煮肉,俾多次機會佢哋可以再進入第二強,本來佢哋兩個未必過關嘅,我哋三個評判想俾多次機會佢,叫佢再嚟一次,不過希望下次就調轉,素嗰個煮肉、肉嗰個煮素,所以就挑戰吓佢哋係咪可以全方位。」

Mani續稱:「後尾煮素嗰個女仔唔肯煮肉,所以就自動退出,我哋劇組事前已經同佢哋講晒,喺現場都有同佢哋講,話希望佢哋調轉㗎喎。」講法完全不同。


更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載