› 選擇地區
三藩市
紐約
洛杉磯
其他美國地區
香港 台灣 北美
 
2017年12月18日

【《鋒味》羅生門(3)】稱幕後片段失實 「素食女王」Daphne:他們剪走大部份內容

建立時間 (HKT): 1218 18:57

謝霆鋒主持嘅新一輯《鋒味》引爆爭議,有份參賽嘅「素食女王」Daphne Cheng被要求煮肉PK肉食達人煮素,結果Daphne選擇棄權退出,片段喺網上廣傳後,霆鋒被素食者狠批係公然欺凌同侮辱。

相關新聞:【《鋒味》羅生門】素食廚師:他們答應過我不需煮肉 Mani:事前講咗交換煮

噚晚有份主持節目嘅經理人霍汶希(Mani)向《蘋果》提供咗兩條短片,表示事前已經同對方講清楚(新聞連結: http://bit.ly/2zhZiqD ),Daphne今日喺報道中回應呢兩條短片,Daphne竟然話:「No it's not true. I didn't understand it correctly. 」(不是真的,我當時其實不知道他們的意思。)

報道指Daphne睇過兩條短片之後否認識國語,仲話喺錄影後了解當中真正嘅意思之後,佢同團隊都已經向製作團隊解釋及表明立場,無論發生任何事都堅決唔會烹調任何肉類,而且經過一輪溝通後對方都清楚表示Daphne唔需要煮肉類。

相關新聞:【《鋒味》羅生門(2)】有片有真相?「素食女王」稱中文差 Mani:佢係識聽國語㗎

因為之前已經有溝通過,所以當評判提出唔煮就當棄賽時,Daphne自己都感到相當震驚,更表示本來以為係為咗節目效果而照樣提出煮肉要求,最終佢都可以以素食作賽,不過事與願違,最終以Daphne棄賽收場。

Daphne更加指出製作團隊將佢喺節目當中及棄賽後嘅訪問剪走大部份內容,所以令大家對佢嘅立場有疑慮。

更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載