蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年12月31日
馬上成為壹會員

【三人不適】櫸坂成員《紅白》跳到虛脫暈倒 有村架純遇舊愛防走光

《紅白歌唱大賽》舉行,有村架純遇舊愛岡本圭人。
最後更新: 1231 22:40 / 建立時間 (HKT): 1231 18:30

日本NHK電視台一年一度嘅《紅白歌唱大賽》今晚舉行,本屆盛會又係星光熠熠,除咗有福山雅治、X JAPAN、柚子、嵐、平井堅、鄉裕美、三代目J Soul Brothers、AKB48、乃木坂46、櫸坂46、松田聖子、松隆子、椎名林檎、西野加奈、倉木麻衣、AI、渡邊直美等,當中最矚目肯定係快將引退嘅安室奈美惠,同埋歌神桑田佳祐都以特別嘉賓身份亮相,而年屆84歲女星黑柳徹子雖然行動不便都有現身撐場。

相關新聞:【澀谷Center街起火】鄰近《紅白》會場 只差5分鐘路程

《紅白》於香港時間黃昏6時15分開場,青春女星有村架純連續兩年擔任紅組司儀,呢次拍住二宮和也、內村光良拍檔,一開場三人坐開蓬巴士穿梭澀谷鬧市,今年更破天荒邀請一眾嘉賓拍攝華麗開場短片。

今屆《紅白》甫開場,大部份出場歌手都晒冷登場,由於首次出場嘅Hey!Say!JUMP代表白組打頭陣,造就有村架純同Hey!Say!JUMP成員舊愛岡本圭人同台,當岡本圭人同隊友邊唱邊跳,有村都有同全場人士在台上跟住節拍伴舞,而有村打扮性感,一度更要在鏡前整理胸前防走光。

相關新聞:【最後衝刺】有村架純露肩綵排 倉木麻衣《紅白》唱好柯南

韓國女團TWICE首度出場,唱出亞洲大熱作品《TT》,內村光良笑言囝囝都有在家中模仿TT跳步,TWICE亦有帶領全場齊跳TT。重量級女星渡邊直美孖住AI憑合唱歌《Kira Kira》代表紅組出賽,渡邊直美又扮成Lady GaGa大放笑彈。

至於日前排舞傷腳嘅內村光良,拍住人氣女子組合櫸坂46跳唱《不協和音》,當一輪勁歌熱舞後,16歲主將平手友梨奈再出現異樣,例牌用頭髮遮面嘅佢竟不斷索氣,放在頭嘅右手更不停地震,而另一成員鈴本美愉當表演完更在台上虛脫暈倒,身為評判嘅女星吉岡里帆見狀都顯得一臉擔心。事後,櫸坂方面發言人承認包括鈴本美愉、平手友梨奈同埋志田愛佳共三人出現呼吸困難,立即安排三人在後台休息。

X JAPAN靈魂人物YOSHIKI因頸椎舊患在月前進行頸椎人工椎間盤置換手術,令佢一度無法如常打鼓,今晚YOSHIKI果然重執鼓棍,相隔9個月再展鼓技為觀眾帶來驚喜。

【minigame】2017瘋暈人物 返工打機唔使擇日
http://bit.ly/2CeWQkP

更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載