蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月01日

【不斷更新】叱咤爆大冷 ToNick奪我最喜愛歌曲 方晧玟封我最喜愛女歌手

227,254
最後更新: 0101 22:09 / 建立時間 (HKT): 0101 20:30

今日係2018年第一日就有一張樂壇成績表紅頒發,講緊嘅就係「2017年度叱咤樂壇流行榜頒獎典禮」,今晚頒獎禮喺灣仔會展舉行,大會預計頒獎43個獎項,包括「專業推介、叱咤十大」嘅10首金曲、叱咤樂男、女歌手同組合,仲有靠現場觀眾投票嘅「叱咤樂壇我最喜愛的男、女歌手、組合同歌曲大獎。」

相關新聞:【肚凸凸現晒形】高踭鞋造型撐《叱咤》 方晧玟入五強宣佈唔停工

23:52 「叱咤樂壇我最喜愛的歌曲大獎」由ToNick《長相廝守》奪得,而主音恒仔喊至面容扭曲

23:45 入行15年方晧玟擊敗楊千嬅、JW、衛蘭首奪「叱咤樂壇我最喜愛的女歌手」,佢話:「係咪真㗎呢件事?多謝903,原來真係會手都震,多謝公司,應承你哋努力做好創作,唔會掛住生仔,希望你哋繼續支持香港樂壇,希望歌手繼續做好音樂。」

相關新聞:【叱咤頒獎禮】被指同後輩爭獎 李克勤後台拉票:年紀大,應該要敬老嘅

23:36 「叱咤樂壇我最喜愛的男歌手」由陳柏宇獲得,34歲陳柏宇唔再隱世,入行12年首奪叱咤樂壇我最喜愛的男歌手,佢上台深吸一口氣:「我好開心,其實呢刻戥同事開心,戥粉絲開心,戥每一個喜歡陳柏宇嘅人開心,如果呢個係我最後一次攞我最喜男歌手,唔可惜,因我攞過,我唔怕失敗,因為點失敗都有你哋背後支持我。」陳柏宇眼紅紅話:「老婆每年同我講,佢哋唔識貨唔緊要,你喺我心中係最喜愛男歌手,我啲眼線有冇甩。」跟住陳柏宇感激曾幫助自己嘅所有工作人員:「因為佢哋,我可以無懼做我自己。」唱完歌陳柏宇話:「尾場恭喜晒投陳柏宇嘅人,下年投第二個,我已經享受過呢個獎,希望下年第二個歌手上台講佢嘅故事。」

23:27 「叱咤樂壇我最喜愛的組合」由Supper Moment獲得,鼓手阿達先講:「做band好麻煩,要set,好似前年冇聲啦,多謝一年一年令器材好快搞掂,好多人忽略咗一場騷好多人做先可以做到,畀多啲掌聲佢哋。」主音Sunny:「好多謝你哋,我哋呢隊band 11年,我哋喺呢個場地開過演唱會,依家想去另一個場地開,未知得唔得想你哋一齊集氣。其實我有另一隊樂隊『鐵樹蘭』,係一隊metal嘅樂隊,我希望香港有更多音樂。」

23:17 林海峰介紹特別嘉賓陳奕迅出場,先賣關子話﹕「新年快樂,嚟緊係叱咜30周年,30歲會喺計劃將來,愐懷過去,會否諗之前嘅....98年嘅你係點,至尊大獎播緊陳奕迅嘅《我的快樂時代》」銀幕上幕出Eason攞獎時嘅片段,林海峰繼續話﹕「那些年,謙虛得嚟好戚,含蓄得嚟好浮誇,人生就係似春天咁,青春so good,有人話青春其實戇居。」一場開場白後,Eason就出場唱出《天下無雙》、《時代曲》、《陀飛輪》、《我的快樂時代》、《K歌之王》等經典金曲。

23:04 由側田獲得「叱咤樂壇男歌手」銅獎,佢就話:「嘩,多謝多謝,真係好開心嘅禮物,我記得10年前都係你哋頒俾我,簡短啲講,我有啲緊張,多謝自己由空間發揮,多謝團隊,隻碟嘅監製,bye bye,thank you!」;銀獎陳柏宇;金獎就由「成立」三十年嘅李克勤獲得,50歲嘅佢第一次獲得「叱咤樂壇男歌手金獎」佢話:「如果同Oscar比喻叱咤,有啲歌手就好似梅莉史翠普咁隔年提名就有獎,有啲歌手似里安納度狄卡比奧咁提名好多年,都拎唔到,我梗係唔似佢,我似奇連伊士活。呢個獎係計積分,我要多謝譚校長。」講到呢度克勤終於忍唔住喊。佢仲話:「呢個係「叱咤」,我冇感過叱咤呢個樂壇,只係想帶畀大家感動同熱情。可能好多歌手想攞嘅獎但攞唔到,不過我喺度想講,我李克勤都得,你哋唔會唔得。」

22:53 「叱咤樂壇女歌手」銅獎得主王菀之得獎時話:「亂晒籠呀個人,我仲沉醉堅喺Supeer Moment嘅演出中,突然間嗌王菀之,好驚,多謝阿奴阿占,多謝叱咤903,仲有Alex,今年嘅歌都係你做嘅,連演唱會會都係你做。我想多謝林夕,填咗《忘記有時》同《突然一個人》,好有意思,仲有小克填咗《愛不曾遺忘任何人》,你哋睇我2017音樂裡面色彩世界,諗諗吓係由商台長大,由第一天開始到而家,有時冇人再播我啲歌你哋都播,多謝。」;Gin Lee冧莊獲叱咤樂壇女歌手銀獎,佢開心話:「大家好,我係堅.Lee,今日攞到女歌手獎,多謝成就我嘅人,包括啟蒙老師爹哋媽咪、唱片公司同事、我嘅fans,無論我轉公司都不離不棄,冇你哋冇意義,多謝錫我嘅人,I love you。」;金獎嘅衛蘭就話:「我等咗12年喇,我知道發生咩事!非常之感恩。好多謝新老闆俾好多機會我,我都學習緊信任。我會俾心機。」

22:41 「叱咤樂壇組合」銅獎由CAllStar獲得,佢哋輪流講感言,King先講:「多謝903,多謝C All fans,多謝903俾機會上台打碟。」釗峰多謝公司同戰友,佢話:「多謝我哋嘅家人,我爸成日話我手指拗出唔拗入,我屋企最近裝修,我將個責任俾咗兩老,我代表我哋四兄弟多謝我哋嘅父母,俾空間我哋做更好嘅仔。」On仔話:「今年係我哋8年,盡在不言中。」而Jase就話:「以後條路冇咁易行,2018自己未來,自己來。」;銀獎則屬RubberBand,主音6號表示:「好開心可以喺叱咤台攞獎,今次係第十次參加,感激商台一直支持樂隊,希望借掌聲支持香港樂隊嘅朋友,正如ToNink都話可以堅持8、9年嘅樂隊唔容易。」而低音結他手阿偉特別攞過支咪,向喺太陽娛樂做宣傳人員嘅太太Cathy公開示愛:「我自私啲多謝太太,就算全世界唔識對你感恩,我會對你感恩!」;獲得金獎嘅Supper Moment請埋監製Adrian Chan上台,主音Sunny就話:「呢個獎係佢嘅,佢已經係我哋第4、5隻碟嘅監製。」之後再由監製Adrian Chan講感言。最後Sunny感謝過身嘅經理人Gary。

22:32 「至尊歌曲大獎」由第一次拎呢個獎嘅李克勤《失魂記》獲得。

22:23 許廷鏗憑《神奇之旅》獲得「叱咤十大第二位」,宣佈獲獎時與欣宜哭著擁抱。

22:18 「叱咤十大第三位」由Supper Moment《靈感床》獲得。

22:14 《Come with me》吳雨霏獲得「叱咤十大第四位」,Kary未有現身領獎,由馮翰銘代領。

22:07 「叱咤十大第五位」由ToNick《長相廝守》奪得。

22:00 由AGA嘅《3AM》奪得「叱咤十大第六位」,佢話:「Thank you,多謝!首先多謝903,所有鍾意呢首歌嘅DJ,呢隻歌係第一次真真正正嘅R&B,多謝經理人公司同老闆,今年真係要多謝環球上下嘅同事,我有好多idea,佢哋全部都熱血幫我完成,仲有舒文,雖然今年唔多產,但每首歌用心去做,用好長時間,多謝你陪我癲,多謝fans,獎屬於你哋嘅,每次做啲音樂你哋都好support,仲有多謝我嘅父母同神。」唱到一半佢仲多謝前經理人,過去5年嘅照顧。。

21:54 「叱咤十大第七位」由Gin Lee《和每天講再見》獲得,首次獲歌曲獎嘅Gin Lee話:「第一次攞到歌曲嘅獎,呢隻碟係音樂嘅一份分享。希望大家鍾意我隻碟同歌。」最後佢話:「祝大家新年快樂、活在當下。」

21:50 at17憑《Girls Girls Girls》獲得「叱咤十大第八位」,兩人着合照肖像tee上台攞獎,二汶感嘆表示:「呢個係我哋出道15年第一個歌曲獎,對上一次上台係09年,當時Wyman(黃偉文) 許願話希望我哋攞到叱咤十大,今晚成真,辛酸、辛苦係我哋責任,我哋預備辛酸落去,希望可以再相遇。」盧凱彤就多謝父母支持:「當年我哋喺黃金海岸唱歌得4個觀眾,佢哋攞住櫈仔嚟聽我哋唱歌,今晚台下就有咁多觀眾。」

21:44 「叱咤十大第九位」係側田嘅《不經不覺》,佢話:「Hello,新年快樂,未唞順條氣,冇諗住咁快(上番台),頭先諗有10年冇嚟過,對上一次應該係《男人KTV》嗰隻砍,想好多謝叱咤,我走咗好多年仲咁支持我,仲有Eric Kwok同Riley呢份詞,其中一句『捱過杯葛方了解到需要知己』,好想送俾低落時幫我一把嘅人。」

21:39 「叱咤十大第十位」由《傷心到變形》吳業坤奪得:「好開心呢隻歌由我寫,好開心Cousin,由《陽光點的歌》到o依家寫咗好多歌。」最後佢仲話:「今年係我第三年,希望大家接受我嘅人同歌。」

21:21 王菀之與馮翰銘演出,及後又有本地Rapper Dough Boy表演,再到King@CAllStar打碟,Cherry Ngai及Lydia Lau跳舞,然後由林奕匡足色士風,再到側田及衛蘭先後演唱,王菀之再次登場演出,最後一眾音樂人大合奏。

21:11 衛蘭憑《Love And Other Things》首奪「至尊唱片大獎」,佢仲話超興奮:「oh my god!我真係唔知講乜好,thank you so much,今次碟嘗試做唔同音樂,多謝華納唱片」監製舒文就話「:大家覺得衛蘭好滋油、好hea,其實佢唔係,佢唔識睇中文,但佢會話i'm trying,俾一日佢將唔識睇中文變英文,其實佢係好勤力歌手。」

21:02 生力軍銅獎由余香凝奪得,佢上台掩嘴面,哽咽說:「2018我希望做好我嘅音樂。」銀獎得主王嘉儀就話:「好多謝903,我要多謝所有播過我嘅歌嘅DJ,我真係個腦一片空白。其實我冇諗過我會企喺台上,我幾年前話想搵番王嘉儀嘅聲音,但當時有人同我講冇人有興趣,當我出咗隻碟後,得到好多嘅支持,我係非常之感恩,多謝所有同我共同進退嘅朋友,做好自己,希望你哋仍然會聽。」顏卓靈奪得生力軍金獎,佢多謝一眾幕後同事話:「我唔係音樂世家,希望大家俾多啲機會我。」

21:00 「編曲人大獎」及「監製大獎」同時由馮翰銘奪得。

20:55 「叱咤樂壇作曲人大獎」得獎人係Cousin Fung。

20:45 陳詠謙獲得「填詞人大獎」。

20:45 「唱作人大獎」銅獎由方皓玟奪得;銀獎得主係王菀之Ivana。金獎就由林奕匡奪得。

20:35 謝霆鋒毫無先兆咁突然chok住出場,先唱《玉蝴蝶》,再唱《有火》,再唱《活著Viva》。

20:30 頒獎典禮正式開始,一開波由DJ細蘇已預先張揚一齊見證「估你唔到」嘅獎項,再由Supper Moment及觸執毛做開場表演。

20:27 現場歌手陸續進場,其中欣宜就着橙色衫,王菀之頭上就有個布做嘅立體皇冠。今年有好多新面孔,Tonick、yellow,余香凝等等都有坐喺歌手席,其中最性感就係鍾舒漫、露到少少事業線,仲有at17林二汶及盧凱彤。而有份角逐「至尊金曲」嘅胡鴻鈞,今晚梳咗好靚仔嘅髮型入場,着住黑色褸搵位坐。另外,「轉會」星夢嘅周柏豪坐第一行。

  「唱作人大獎」銅獎由方皓玟奪得 「唱作人大獎」銅獎由方皓玟奪得
銀獎得主係王菀之Ivana 銀獎得主係王菀之Ivana 金獎就由林奕匡奪得 金獎就由林奕匡奪得  陳詠謙獲得「填詞人大獎」 陳詠謙獲得「填詞人大獎」
13歲開始作曲嘅Cousin Fung 孭背囊上台攞「作曲人大獎」 13歲開始作曲嘅Cousin Fung 孭背囊上台攞「作曲人大獎」 馮翰銘奪「編曲人大獎」及「監製大獎」 馮翰銘奪「編曲人大獎」及「監製大獎」 衛蘭憑《Love And Other Things》首奪「至尊唱片大獎」 衛蘭憑《Love And Other Things》首奪「至尊唱片大獎」
王菀之與馮翰銘演出,及後又有本地Rapper Dough Boy表演 王菀之與馮翰銘演出,及後又有本地Rapper Dough Boy表演 King@CAllStar打碟 King@CAllStar打碟 Cherry Ngai及Lydia Lau跳舞 Cherry Ngai及Lydia Lau跳舞
「叱咤十大第十位」由《傷心到變形》吳業坤奪得。 「叱咤十大第十位」由《傷心到變形》吳業坤奪得。 「叱咤十大第九位」係側田嘅《不經不覺》。 「叱咤十大第九位」係側田嘅《不經不覺》。 at17憑《Girls Girls Girls》獲得「叱咤十大第八位」。 at17憑《Girls Girls Girls》獲得「叱咤十大第八位」。
「叱咤十大第十位」由《傷心到變形》吳業坤奪得 「叱咤十大第十位」由《傷心到變形》吳業坤奪得 「叱咤十大第九位」係側田嘅《不經不覺》 「叱咤十大第九位」係側田嘅《不經不覺》 at17憑《Girls Girls Girls》獲得「叱咤十大第八位」 at17憑《Girls Girls Girls》獲得「叱咤十大第八位」
「叱咤十大第七位」由Gin Lee《和每天講再見》獲得 「叱咤十大第七位」由Gin Lee《和每天講再見》獲得 AGA嘅《3AM》奪得「叱咤十大第六位」 AGA嘅《3AM》奪得「叱咤十大第六位」 「叱咤十大第五位」由ToNick《長相廝守》奪得。 「叱咤十大第五位」由ToNick《長相廝守》奪得。
「叱咤十大第三位」由Supper Moment《靈感床》獲得。 「叱咤十大第三位」由Supper Moment《靈感床》獲得。 許廷鏗憑《神奇之旅》獲得「叱咤十大第二位」 許廷鏗憑《神奇之旅》獲得「叱咤十大第二位」 宣佈獲獎時許廷鏗與欣宜哭著擁抱。 宣佈獲獎時許廷鏗與欣宜哭著擁抱。
「至尊歌曲大獎」由第一次拎呢個獎嘅李克勤《失魂記》獲得。 「至尊歌曲大獎」由第一次拎呢個獎嘅李克勤《失魂記》獲得。 「叱咤樂壇組合」銅獎由CAllStar獲得 「叱咤樂壇組合」銅獎由CAllStar獲得 銀獎則屬RubberBand 銀獎則屬RubberBand
獲得金獎嘅Supper Moment請埋監製Adrian Chan上台 獲得金獎嘅Supper Moment請埋監製Adrian Chan上台 「叱咤樂壇女歌手」銅獎得主王菀之 「叱咤樂壇女歌手」銅獎得主王菀之 Gin Lee冧莊獲叱咤樂壇女歌手銀獎 Gin Lee冧莊獲叱咤樂壇女歌手銀獎
金獎嘅衛蘭 金獎嘅衛蘭 側田獲得「叱咤樂壇男歌手」銅獎 側田獲得「叱咤樂壇男歌手」銅獎 銀獎陳柏宇 銀獎陳柏宇
金獎就由「成立」三十年嘅李克勤獲得 金獎就由「成立」三十年嘅李克勤獲得 特別嘉賓陳奕迅出場表演 特別嘉賓陳奕迅出場表演 「叱咤樂壇我最喜愛的組合」由Supper Moment獲得 「叱咤樂壇我最喜愛的組合」由Supper Moment獲得
 「叱咤樂壇我最喜愛的男歌手」由陳柏宇獲得 「叱咤樂壇我最喜愛的男歌手」由陳柏宇獲得  入行15年方晧玟擊敗楊千嬅、JW、衛蘭首奪「叱咤樂壇我最喜愛的女歌手」 入行15年方晧玟擊敗楊千嬅、JW、衛蘭首奪「叱咤樂壇我最喜愛的女歌手」 「叱咤樂壇我最喜愛的歌曲大獎」由ToNick《長相廝守》奪得 「叱咤樂壇我最喜愛的歌曲大獎」由ToNick《長相廝守》奪得
【肚凸凸現晒形】高踭鞋造型撐《叱咤》 方晧玟入五強宣佈唔停工 【叱咤頒獎禮】被指同後輩爭獎 李克勤後台拉票:年紀大,應該要敬老嘅 【叱咤頒獎禮】謝霆鋒無預警突現身 唱《玉蝴蝶》《活著Viva》! 【叱咤頒獎禮】年年都玩嘢 王菀之黃裙襯布造皇冠 同除塵掃撞衫? 【叱咤頒獎禮】有洋蔥!音樂人領獎個個多謝老婆So sweet 【叱咤頒獎禮】側田《不經不覺》拎獎 又感歎被杯葛人情冷暖 【真﹒驚喜】Chef Lé Mon再登香港樂壇 網民激讚﹕唔煮嘢食咪幾好 【叱咤頒獎禮】ToNick Supper Moment輪流拎獎 歌手企晒起身一齊un 【叱咤頒獎禮】入行三十年首摘至尊金曲 克勤尷尬自嘲 【叱咤頒獎禮】衛蘭等足12年 首次奪女歌手金獎 【叱咤頒獎禮】50歲李克勤首奪男歌手金獎:啲女仔跟咗我幾廿年! 【叱咤頒獎禮】又嚟超大驚喜 Eason經典歌紀錄叱咤30年 【叱咤頒獎禮】《霸氣情歌》34歲陳柏宇哽咽首封「我最喜愛的男歌手」 「2017年度叱咤樂壇流行榜頒獎典禮」得獎名單 【叱咤頒獎禮】入行15年首封最喜愛的女歌手 大肚方皓玟:係咪真㗎? 【多謝商台成人之美】50歲克勤首奪叱咜男歌手金獎:大家唔使替我肉緊 【老公話係幸福肥】王菀之做Gym想減20磅:可能做錯方法變健身 【7月香港分娩】首奪我最喜愛女歌手大獎 方皓玟:BB真係好好腳頭 【自爆想讀書】最大開心來自其他人 陳柏宇:想有實在知識幫人 【後台嗌緊張】讚阿Jan、何炳「好嘢」 陳奕迅話﹕我最易囉,企喺度唱歌咋嘛 【勁歌繼續捧蛋】自覺今年超額完成 許廷鏗:呢個世界係好玄妙 【即時文摘】那些年,我們剪的郭富城頭(馮睎乾) 【叱咤頒獎禮】商台又彈App!胡鴻鈞方皓玟ToNick混戰「我最喜愛歌曲」
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載