蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月07日

【圈中人緣甚廣】寇鴻萍憶述與洪羅拔登台 周美鳳:佢個人好樂觀

42,394
建立時間 (HKT): 0107 15:33

羅拔生前於圈中人緣甚廣,82年港姐季軍寇鴻萍選美後便認識洪羅拔,兩人相交逾30年,她今日接獲洪羅拔死訊,心情難以平伏,她今日接受《蘋果》電話訪問時,她傷感說:「我真係未能接受,我知佢一路身體有病,我哋等佢身體好就會約飯局,佢過9號生日,本來朋友約咗5號食飯,我仲準備咗生日禮物畀佢,點知佢嗰日病咗出唔到嚟,份禮物我仲留喺度。」

相關新聞:【洪羅拔離世】約食飯身體不適未成行 契細佬漢洋:佢人緣好好

寇鴻萍指當年選美後,曾跟洪羅拔一齊登台:「有佢就好受歡迎,佢係大家開心果,佢好多笑話。」寇鴻萍表示知道近一年他的身體好轉,她說:「幾個月前我同佢食過飯,佢精神唔錯,我仲話佢肥咗,我仲以為佢身體好啲,冇諗到突然走咗,人真係好化學,要珍惜眼前人。」

同樣曾參與選美的周美鳳和洪羅拔認識30年,她在電話中,聲線傷心,不時飲泣,她和寇鴻萍選一樣相約洪羅拔於5號食飯,但洪羅拔未妻現身,周美鳳昨日仍打俾洪:「真係好傷心!佢周五無嚟,我又再搵佢姪女,原來佢周五半夜定昨日朝唔舒服,打999入威院,去到係插喉,但仲精神,同姪女有傾有計,點知咁突然。」姪女有見到他最後一面。」

相關新聞:【洪羅拔離世】主持《活色生香》口才好 拍檔李道洪:欣賞佢急才

周美鳳又表示:「9號係佢生日,大家仲諗慶祝。佢個人好樂觀,好好開朗,好正面好正面,幾年前發現肝癌之後,一樣好活躍。」周美鳳指洪羅拔是她入行認識第一個圈中人,更介紀紹了羅文、梅姐、草蜢等歌手給她。而她則推薦當年選完新秀的洪羅拔,做《活色新香》主持。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載