蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月07日

【洪羅拔離世】本月16日設靈 洪羅拔遺願每人開心

71,713
最後更新: 0107 19:33 / 建立時間 (HKT): 0107 17:29

【新增內容】

亞視藝員洪羅拔(本名洪瑋程)今早9時在威爾斯醫院離世,享年61歲。洪羅拔姪子洪先生電話回覆指,洪羅拔無甚牽掛,遺願是「希望大家都開開心心」,而喪禮擇好日子後,會以藏傳佛教儀式舉行。

洪羅拔姪子透露:「叔叔係今朝9點走的,佢其實都病咗好多年,呢兩日有啲唔舒服,又痾又嘔,所以call白車入醫院。」他指叔叔4年幾前碓認患肝癌,已做過各樣化療、電療,一度康復,其後復發,經常進出醫院,洪羅拔姪子又稱:「佢一直好勇敢面對,可惜又再復發,每年都有去醫院做手術,做完一次又復發,之後又復發。所以我哋家人角度,係有心理準備,同埋安心佢係唔使再在病床瞓一段長時間。」他又指叔叔是虔誠佛教徒,患病期間亦早晚唸經。洪羅拔家人正為他辦理後事,洪羅拔姪女確認,將安排本月16日於世界殯儀館設靈,翌日出殯。

梁漢文及胡渭康今日分別於活動上憶述洪羅拔,胡渭康稱由肥媽通知得到消息,他說:「係,佢(洪羅拔)今朝行咗,以前年代一齊同埋阿梅(梅艷芳)、草蜢同一班圈內朋友玩,舊年同佢食過一次飯,大概半年前,嗰次佢精神Ok,仲一齊玩煮飯仔。」梁漢文於活動上講到洪羅拔離世:「我今朝知道,因為我同漢洋係同一屆新秀,上次見佢係上年佢嘅生日會,老實講,我唔清楚佢咩病,都係留番同佢比較熟嘅朋友、親人交代好啲。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載