蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月13日

【原班人馬】《壹號皇庭》開拍Season 6?宣萱鬆口:呢班人唔係向錢看

260,215
建立時間 (HKT): 0113 00:00

無綫早前喺深宵時段重播《壹號皇庭》系列,結果搞到唔少觀眾夜麻麻都keep住煲劇,重拾當年那些年嘅回憶,宣萱日前喺中環接受訪問,亦都有講起呢件事,佢話:「聽到《壹號》重播嘅收視好,有6點幾,即係有差唔多40萬觀眾唔瞓都要睇,真係開心!」

一直以嚟,宣萱都唔係一個鍾意拍續集嘅人,佢話:「你問我最好係唔好開,見好就收,無謂拍到爛,唯一係可以開嘅係《壹號》,呢個題材可以再拍!」宣萱話:「嗰陣我自己睇番,如果可以有第6輯,簡直情天霹靂,但係呢個世界上,只係得鄧特希可以,任何一個人都儲唔到呢班人。」

唔知宣萱到時又會唔會拍呢?佢話:「會,一定會,不過主要班底係呢一班人,我o依家睇番都會笑,大家好有默契,喺o依家嘅情況嚟講,難再遇到嘅默契!」

宣萱覺得最難得嘅係,大家都係嗰個年代,又有共同理念:「o依家同後生拍嘢,喺佢哋身上學嘢,學吓啲潮語,update自己,始終拍劇希望可以有多啲經典嘢,對白、對手乜都好,呢個夢想唔係冇可能,呢班人唔係向錢看,反而大家好希望追求成果,同享受過程!」

宣萱仲話:「o依家都希望可以過呢啲開心嘅生活,每一個劇都有一啲好好嘅回憶,收視嘅嘢唔關我嘅事,得與唔得我唔係好理,只係希望有對白。啲人問我有邊個角色特別鍾意,我冇角色唔鍾意,個個我都覺得OK。當然有啲係特別鍾意,過程基本上係開心,唔好成日都做類同嘅嘢。」


採訪:何慧斯
服裝:IRO from I.T
場地:Fridge

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載