蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月14日

【相士稱相戀會拖垮事業】拍拖6年 唐文龍首認因迷信與陳少霞分手

300,984
建立時間 (HKT): 0114 17:20

94年,唐文龍同陳少霞拍電影《現代古惑仔》撻着;99年,兩人出席一個活動時,終於默認拍拖。當時女方都唔想認,只係話:「我唔係拍拖,係介乎拍拖同唔係拍拖之間,我同佢仲有啲唔夾。」之後又話:「我又覺得唐文龍幾好!」「我哋識咗五年,佢好信得過,為人老實,我哋重見過雙方家長,其實我認為健康嘅愛情對工作冇影響,可能係佢或者佢嘅經理人公司覺得唔好。」

當時唔敢公開嘅,應該係唐文龍,因為當時佢話:「我哋係好朋友。」再追問是否怕公開戀情影響事業?文龍就話:「感情會影響我嘅信心。」

拍拖6年,兩人都係分手,陳少霞更同無綫解約嫁入豪門,即其澳洲籍商人。當時有傳陳少霞懷孕,傳媒向唐文龍求證,佢就話不清楚,但透過傳媒叮囑陳少霞要好好照顧健康,因為佢身體真係好虛。

08年,老公生意失敗破產,陳少霞喺前度唐文龍幫手下,復出轉投ATV。後來離埋婚,陳少霞獨力照顧兩個女兒,更患上甲亢。在人生最低潮時,遇上第二任丈夫、中港「法拉利之父」李文輝。

收收埋埋的唐文龍,一身肌肉,曾有報道稱他專吼細細粒及身材豐滿類型,除有陳少霞之外,還有關心妍及超人之母羅子喬。還有空姐女友等等等等。唐文龍就話,咁耐以嚟,從來未虧欠任何一個女友。

咁當年唐文龍與陳少霞點解分手?當時有傳,因為相士批二人八字唔夾,拍拖會影響事業運,結果兩人於99年分手。

唐文龍接受梁泰來《1圈圈》訪問時,亦直認:「呢件事真係冇同任何人講過,其實我哋係好好。雖然我最後由台灣返到香港,但大家都少見面,佢又忙。而且大家嗰陣都後生,都有嗌交嘅時候,性格方面有時候都有分歧。再加上嗰陣有啲原因,令我哋覺得……如果我哋一起,雙方會有壞影響。

「唔能夠唔信,因為有啲結果係印證咗。例如我跟佢一齊,佢爸爸媽媽身體係變差咗、我嘅事業都好像一路向下走。你話迷信又好,信邪都好,點都好,我哋係因為咁決定分開。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2018 AD Internet Limited. All rights reserved. 版權所有 不得轉載