蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月18日

【有乜好避】60歲爾冬陞安排囡囡年底來港定居 重申Teresa媽媽唔係王婷

206,880
建立時間 (HKT): 0118 16:32

爾冬陞今日出席金像獎記者會時,被問到58歲老來得女,O依家囡囡已兩歲(新聞連結: http://bit.ly/2ERab2G ),佢一聽到即笑:「我都知你哋會問㗎喇!」他笑言不想多談:「我都理解你點解要問,但你都要理解我點解唔想講。」

相關新聞:【Mark低4.15】林家棟爭金像影帝OK 做評審No Way

小寶話:「我自己都幾大感受,我啲屋企人、朋友、甚至我媽媽未過身之前……其實我好耐之前已經決定咗唔想要細路,因為我唔係唔鍾意細路仔,我屋企有好多細路仔,而係我覺得生個細路仔出嚟你係要為佢負責,我自己想追求自由,唔想負呢個責任。但係我覺得,有時做人,你想窮一生精力去掌控你自己命運,其實係……(苦笑)係做唔到。」

「我覺得有啲事嘅突發,好似係同我太太發生嘅事件,細節我唔想講。因為好多我生活上感情上嘅嘢,唔會精采過以前TVB電視劇咩《真情》、《狂潮》。」

相關新聞:【金像獎由ViuTV直播】 主席爾冬陞明年離任:希望擴大班底

對於前妻Mandy指同小寶有緣有份,識咗廿幾年結咗婚,但係行唔到最後,感到有啲遺憾一事,小寶就話:「呢個冇辦法,兩個人相處唔係一定耐,就越行越近,有時耐會越行越遠。」講到囡囡Teresa,小寶話:「對於新生命,初初接受唔到,有啲震驚,後來發覺冇辦法解決,只好接受、面對處理事件,上年60歲反思努力好多年,好多目標都達到咗,有時某年紀諗人生意義係咩,上天畀責任我,有新嘅體驗。」

「雖然屋企好多細路仔,始終同自己細路唔同,見佢(Teresa)成長過程都有驚喜,重新要學未來,同佢嘅成長時間,你哋經驗多過我,有樣嘢重新學習。我由以前唔係好想要細路,到現在完全接受咗,將來生活對我...希望係開心嘅。」小寶亦講到囡囡Teresa已經25個月大,佢笑言希望唔好咁曳。

至於大家最關心Teresa嘅媽媽係邊個,小寶重申並唔係王婷,佢話:「緊係唔係啦,一定唔係啦,已經證實唔係啦,太太係圈外人,傳言唔係啦。盡量唔畀佢(太太)曝光,包括細路仔嘅相,佢已經大個咗,我亦故意揀啲以前嘅相,唔係好影響。」小寶表示小朋友目前於大陸,但將會安排她來港,佢話:「雖然有外國護照,問題係我唔想避,我要帶佢行玩具舖、去Disney,有乜好避,所以安排好畀人知道,我又唔係小鮮肉,新聞眨眼即過。」小寶仲話會安排囡囡來港讀書「可能今年年尾之前會嚟,我唔係安排得好長遠。」問到太太係咪好年輕時,小寶笑言:「遲啲有機會至講,下集先講啦!」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載