› 選擇地區
三藩市
紐約
洛杉磯
其他美國地區
香港 台灣 北美
 
2018年01月22日

【最港電影大獎提名】杜汶澤望攞團體獎 劉德華:喜見新導演新演員不斷湧現

最後更新: 0122 17:18 / 建立時間 (HKT): 0122 15:14

【新增回應】
由《蘋果動新聞》和娛樂版舉辦的「最港電影大獎」今日公佈提名名單其中《一念無明》及《空手道》一樣獲四項提名。

相關新聞:【最港電影大獎(2)】最港電影大獎提名揭曉 《空手道》惡鬥《一念無明》

憑《空手道》入圍「最港電影」、「最港導演」、「最港男演員」提名嘅導演杜汶澤回應《蘋果》:「今朝起身見到提名名單好開心,因為主題係香港電影,雖然唔係每一部戲都係本土電影,有合拍片但感覺對觀眾嚟講接近本土製作。更重要喚起香港觀眾,話佢哋知仲有人拍戲佢哋睇,對同業喚醒,香港戲拍得好都有人欣賞。恭喜鄧麗欣再有提名,希望佢再下『七』城啦。自己對於導演或者男演員感覺不大,自從做咗導演之後,個人名義唔係睇得咁重,希望攞團體獎對團隊有交待。」

又另一位獲「最港電影」、「最港導演」雙提名嘅黃進就表示:「同好多我好鍾意嘅香港電影一齊入圍,非常榮幸!」

相關新聞:【最港電影大獎(3)】影帝影后嗌口號 齊撐最港電影大獎

獲提名「最港女演員」嘅鄧麗欣就話:「非常開心,多謝媒體的支持!感謝創立電影大獎讓我能夠得到更多的鼓勵更多的認同!我自己已經投左票鼓勵自己喇,期待大家一起參與選舉支持香港電影。」曾經同鄧麗欣合作嘅周秀娜憑《29+1》角逐「最港女演員」,佢就話:「好開心,可以同自己鍾意嘅電視同演員入圍,係好開心嘅事。亦都好多謝香港觀眾鍾意《29+1》,因為要揀一部戲代表一個地方,甚至代表到佢哋自己,係另一種認同感,對我嚟講係一個好大意義。」

而對手之一,以《原諒他77次》提名嘅蔡卓妍就戥邱禮濤開心,佢話:「好開心,多謝各位評委鍾意呢個角色,《拆彈專家》同埋《原諒他77次》都係邱禮濤導演執導嘅電影,好開心佢有兩套電影入圍,多謝導演同埋編劇賦予我呢一個角色。」而邱禮濤亦回應:「謝謝你們。也要謝謝評審。」

提名「最港男演員」嘅余文樂亦回應話:「謝謝《一念無明》的所有團隊工作人員,謝謝導演和所有演員們。演戲是職業又是興趣,作為演員能夠享受當中過程,提名或奬項是額外的嘉許,自己會繼續努力向前,之後希望可以演繹更多不同的角色。」對手之一嘅游學修就表示:「開心一開始以為係蘋果咁大膽偏心我,笑咗出嚟,後尾見到原來係十位前輩的提名,更是鼓舞。」

除咗佢哋,劉德華亦有回覆《蘋果》:「能夠入圍最港男演員提名,當然開心,作為演員也希望每年都有一部代表自己的電影作品。喜見近年新導演、新演員不斷湧現,加上一班堅持到今日嘅導演,繼續為香港電影努力。期待2018年港產片會有一片更好的景象出現。」

最港電影大獎投票網址
http://campaign.appledaily.com/thekongestfilmawards2017?inapp=1

精選娛聞,喺晒《娛果》
http://fb.com/appledailyent

【最港電影大獎(2)】最港電影大獎提名揭曉 《空手道》惡鬥《一念無明》 【最港電影大獎(3)】影帝影后嗌口號 齊撐最港電影大獎 【最港電影大獎(4)】走過黑暗與光明 黃百鳴論盡電影史明日登場 【最港電影大獎(6)】Mark哥原來只係配角 周潤發一句上位做男一? 【最港電影大獎(5)】黃百鳴棄高薪厚職圓電影夢 創立新藝城靠最佳拍檔 【最港電影大獎(7)】拍《開心鬼》買樓娶老婆 高志森起飛腳造就杜琪峯上位 【最港電影大獎(8)】黃百鳴「執」袁潔瑩入行 開新藝寶係因為... 【最港電影大獎(9)】群星呼籲表揚創作靈魂 齊撐最港電影大獎 【最港電影大獎(11)】鄧麗欣入圍最港女演員 迎戰《一念無明》金燕玲 【2個林若君】入圍「最港電影大獎」 周秀娜孖導演彭秀慧拍片拉票 【最港電影大獎(10)】勁讚哥哥有情有義 黃百鳴:呢個人真冇話可說! 【最港電影大獎(12)】拍《家有囍事》係「被迫」? 星爺原本角色係...... 【最港電影大獎(13)】電影黑暗歲月 幪面賊搶《家有囍事》底片 【最港電影大獎(14)】甄子丹原來想做衛斯理 黃百鳴:係我一意孤行話要拍《葉問》 【最港電影大獎(16)】打入台灣市場成就「酒仙」美名 黃百鳴爆古仔飲酒得個樣 【最港電影大獎(15)】籲合拍片改例保港演員 黃百鳴:香港已係內地一部份 【最港電影大獎(19)】設計武打場面威震荷李活 袁和平謙稱:冇乜自豪感 【最港電影大獎(23)】【動畫】穿梭舊戲院 重拾逝去的港人情懷 【最港電影大獎(25)】硬食拳腳跳樓搵命博 李元霸親述動作演員哀歌 【最港電影大獎(26)】題材天馬行空有原因? 新藝城特訓徐克變怪人 【最港電影大獎(27)】《一念無明》感動惠英紅 陶傑睇《空手道》聽到阿澤吶喊 【最港電影大獎(28)】Stephy演「廢人」有着數? 古天樂殺出重圍鬥華仔 【最港電影大獎(1)】陳真Mark哥葉問齊呼籲 一人一票撐港片
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載