› 選擇地區
三藩市
紐約
洛杉磯
其他美國地區
香港 台灣 北美
 
2018年01月24日

【最港電影大獎(5)】黃百鳴棄高薪厚職圓電影夢 創立新藝城靠最佳拍檔

建立時間 (HKT): 0124 00:00

講到入行經過,可以用「有自唔在攞苦嚟辛」形容黃百鳴。

相關新聞:【最港電影大獎(2)】最港電影大獎提名揭曉 《空手道》惡鬥《一念無明》

原本當年喺間英國洋行做經理,月入過萬,TVB最高嘅監製,人工都仲係1,000蚊。黃百鳴話:「我自細有個夢想就好想做電影,但係呢個夢好遙遠,17歲就要做嘢,因為屋企一家八口我係最大嗰個,屋企環境又唔係咁好。」由姨丈間洋行轉到第二間行時,原本死氣沉沉嘅生意,忽然訂單如雪片紛飛,有成績自然有話事權,夜晚可以去學人做文青排話劇,學人改編過莎士比亞等大師嘅作品,造就佢日後寫劇本同做導演。就咁文青、洋行一搞就10年。

因為成績好,到後期同外藉老闆話要去拍電視劇,佢哋都冇阻止,佢話:「話劇嘅時候識咗好多TVB嘅朋友包括梁天,做大戲嘅阮兆輝都同關錦鵬,都同我做過話劇。嗰陣時就搵我,話得閒你就嚟電視度玩吓啦,所以我唔係訓練班出身嘅。」嗰陣時拍《民間傳奇》九點鐘去拍,十二點一點食完晏下晝就返洋行。之後喺TVB寫埋劇本,仲夾錢拍咗第一部電影《漩渦》,搵咗黃元申、趙雅芝演出,結果失敗收場。但係反而令到佢想全職做電影,百鳴話:「我覺得失敗原因,係因為我哋用業餘嘅身份去拍電影,所以我要全身投入電影界,洋行我唔做。」

相關新聞:【最港電影大獎提名】杜汶澤望攞團體獎 劉德華:喜見新導演新演員不斷湧現

呢個決定令到黃家吵翻天,但佢一意孤行,由編劇、副導演、場記做起,但經常只係收到頭期,尾期一定收唔到嘅情況下,屋企嘅反對聲音越嚟越大,話佢不務正業。到後來碰到真命天子-麥嘉、石天,新藝城電影公司嘅構思開始蘊釀。當時麥嘉喺美國返嚟想做導演,就搵咗我做編劇,第一個劇本就叫《搏命單刀奪命槍》,搵咗當時得令嘅洪金寶班底,最後套戲收300萬,掂啦,佢話:「點知後來洪金寶簽咗畀嘉禾,麥嘉即刻捉住我,『百鳴,我同你組織一間公司』,「抆」埋石天。」石天係邵氏訓練班嘅藝員,喺《搏命單刀奪命槍》入面就演一個「搖up up公子」 ,三個編、導、演人材合作組成一間奮鬥嘅公司,即係日後新藝城前身,佢話:「開頭拍咗幾套跟風嘅戲,跟住嗰啲功夫諧趣片《瘋狂大老千》、《無名小卒》、《鹹魚翻生》呀等等呢一類咁嘅片,套套都收2、3百萬有錢賺。」

當時電影行有兩間龍頭院線邵氐同嘉禾,另一條金公主被戲稱為「玻璃線」,百鳴話:「排唔到嗰兩條大線咪排佢囉,即係佢係最弱嘅院線,當時嗰班老闆心有不甘覺得自己有戲院、又有錢,點解拍唔到好嘅電影。」如是之故促成佢哋搵咗黃、石、麥三個臭皮匠,喺1980年成立新藝城電影公司,佢哋分別佔49%股份。新藝城拍嘅戲就喺金公主院線上映。

講到幕後老細百鳴話:「佢哋從來唔參與我哋嘅製作,亦唔會畀任何嘅意見,只係提供啲戲院畀我哋,等新藝城可以拍想拍嘅電影。」各人又可以各施其職,佢話:「新藝城喺1980做到1990 呢十年裏面,亦適逢香港最黃金嘅年代,嗰個時間香港亦被稱就叫做東方荷李活,新藝城嗰陣嘅電影亦真係所向披靡,喺1982年我哋嘅《最佳拍檔》,已破晒全香港嘅票房紀錄,現在仲係人次最多。」最後就逼到邵氏嘉禾兩大巨人,聯手同新藝城對抗,不過都係輸:「即我成日咁講60年代係邵氏,70年代係嘉禾,80年代一定係新藝城。新藝城嘅片真係好犀利,亦都捧咗好多新導演出嚟包括徐克、杜琪峯、高志森、于仁泰、陳木勝。所以就係變咗我一入行,可以敢講話係一帆風順,都只係捱咗一兩年啫。不過呢個一帆風順之後呢。就輪到黑暗喇,喺1990年新藝城就結束。」

佢話兩個拍檔俾自己更有遠見,認為電影黃金年代差唔多,所以佢兩個搵夠就唔做囉。只有黃百鳴對電影情有獨鍾,所以佢組織人生第二間電影公司東方電影,主因係因為佢收購咗東方沖印,因而得名。

記者:陳月媚、懷鈺
攝錄:馮峰、卓振輝
攝影:陳俊強

最港電影大獎投票網址
http://bit.ly/thekongestfilmawards

【最港電影大獎(4)】走過黑暗與光明 黃百鳴論盡電影史明日登場
http://bit.ly/2n5isIW

【最港電影大獎(3)】影帝影后嗌口號 齊撐最港電影大獎
http://bit.ly/2F1ZeeP

【最港電影大獎(2)】最港電影大獎提名揭曉 《空手道》惡鬥《一念無明》
http://bit.ly/2Drwcol

【最港電影大獎(1)】陳真Mark哥葉問齊呼籲 一人一票撐港片
http://bit.ly/2E3u9IB

【最港電影大獎提名】杜汶澤望攞團體獎 劉德華:喜見新導演新演員不斷湧現
http://bit.ly/2n3i8L3

精選娛聞,喺晒《娛果》
http://fb.com/appledailyent

【最港電影大獎(2)】最港電影大獎提名揭曉 《空手道》惡鬥《一念無明》 【最港電影大獎提名】杜汶澤望攞團體獎 劉德華:喜見新導演新演員不斷湧現 【最港電影大獎(3)】影帝影后嗌口號 齊撐最港電影大獎 【最港電影大獎(4)】走過黑暗與光明 黃百鳴論盡電影史明日登場 【最港電影大獎(6)】Mark哥原來只係配角 周潤發一句上位做男一? 【最港電影大獎(7)】拍《開心鬼》買樓娶老婆 高志森起飛腳造就杜琪峯上位 【最港電影大獎(8)】黃百鳴「執」袁潔瑩入行 開新藝寶係因為... 【最港電影大獎(9)】群星呼籲表揚創作靈魂 齊撐最港電影大獎 【最港電影大獎(11)】鄧麗欣入圍最港女演員 迎戰《一念無明》金燕玲 【2個林若君】入圍「最港電影大獎」 周秀娜孖導演彭秀慧拍片拉票 【最港電影大獎(10)】勁讚哥哥有情有義 黃百鳴:呢個人真冇話可說! 【最港電影大獎(12)】拍《家有囍事》係「被迫」? 星爺原本角色係...... 【最港電影大獎(13)】電影黑暗歲月 幪面賊搶《家有囍事》底片 【最港電影大獎(14)】甄子丹原來想做衛斯理 黃百鳴:係我一意孤行話要拍《葉問》 【最港電影大獎(16)】打入台灣市場成就「酒仙」美名 黃百鳴爆古仔飲酒得個樣 【最港電影大獎(15)】籲合拍片改例保港演員 黃百鳴:香港已係內地一部份 【最港電影大獎(19)】設計武打場面威震荷李活 袁和平謙稱:冇乜自豪感 【最港電影大獎(23)】【動畫】穿梭舊戲院 重拾逝去的港人情懷 【最港電影大獎(25)】硬食拳腳跳樓搵命博 李元霸親述動作演員哀歌 【最港電影大獎(26)】題材天馬行空有原因? 新藝城特訓徐克變怪人 【最港電影大獎(27)】《一念無明》感動惠英紅 陶傑睇《空手道》聽到阿澤吶喊 【最港電影大獎(28)】Stephy演「廢人」有着數? 古天樂殺出重圍鬥華仔 【最港電影大獎(1)】陳真Mark哥葉問齊呼籲 一人一票撐港片
娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載