› 選擇地區
三藩市
紐約
洛杉磯
其他美國地區
香港 台灣 北美
 
2018年01月27日

【何守信陶傑都有份】將與吳雨同場開Talk 陳志雲:叫佢爆英皇啲嘢!

建立時間 (HKT): 0127 18:40

亞視《百萬富翁》今日喺西九舉行招募參賽者活動,除咗主持陳志雲之外,仲有顧問曹宏威等等。監製話透過手機參與嘅觀眾已經有1萬人,到時佢哋會進行參賽者面試。

相關新聞:【秘】亞視節目表曝光 《蒲樂無窮》直播夜場生活 有冇「執屍」……

今日現場幾位顧問有出問題考現場觀眾,仲有俾貼士等人答問題,今日答中觀眾都有購物券,不過志雲話到節目正式錄影時就唔會有貼士。

志雲今日出席活動時聲沙沙,佢話唔知邊個將感冒傳染俾佢:「頂咗幾日之後就冧咗!」講到後日亞視開台禮,志雲話佢有份演出,佢話:「會同吳雨、陶傑、何守信有個傾偈環節,講電視風雲。」會唔會爆料?佢話:「吳雨就最多嘢爆嘅,因為佢好多嘢八同好多嘢講。叫佢爆英皇啲嘢,因為好多傳聞,我到時實會問。」問會唔會講以前工作啲嘢,佢話:「我會暢所欲言乜都講,嗰個環節8到10分鐘,陶傑同吳雨都好多嘢講,我真係要把握機會等佢哋唞氣位我先至講到嘢。」

相關新聞:【志雲爆「攞靈感」文化】無綫走寶冇買《百萬富翁》 邊個要孭鑊?

志雲話身邊有朋友好叻,所以都有推薦佢哋去參加。佢又俾貼士話參賽者最緊要識朋友,因有個錦囊係打電話問朋友,佢話:「有人試過打去問朋友,點知朋友電話冇人聽,有啲聽問題聽得唔準確,要人重覆,得咁短時間重要人重覆問題,真係靠害。最慘王喜玩嗰次,佢識個律師朋友,搵咗一班律師坐喺房等王喜電話,其中仲有大律師,點知等到5、6點王喜冇打俾佢哋,最終王喜原來冇用呢個錦囊,噚日我見到王喜,王喜話自己玩到得意忘形,唔記得用錦囊。」佢仲提大家記住玩嘅時候要沉着應戰用識得用錦囊。

最港電影大獎投票網址
http://bit.ly/thekongestfilmawards

更多娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載