蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年02月23日
馬上成為壹會員

【肥施離世】超級好人 老死林嘉華落淚:你冇地方住,佢歡迎你去佢度住

建立時間 (HKT): 0223 13:50

肥施施介強於81年加盟新藝城,乃新藝城第一個合約演員,曾加盟亞視拍劇,近十多年他於港台轉做節目編導。原來他當年入行,亦與中學同學兼老友林嘉華有關。

相關新聞:【肥施離世】體重約220磅 從未戀過 施介強:冇車冇樓唔好累人

身在加國的林嘉華,今早接受《蘋果》電話訪問,憶起肥施點滴,不無感慨。「想當年新藝城電影公司初開始拍電影時,有次我拍新藝城戲,佢嚟探班,被當時老闆麥嘉,石天覺佢有演戲細胞,外型亦好啱演一啲新藝城嘅戲,所以參與咗好幾部新藝城電影,自此在演藝界有演出。佢喺電影方面好熱誠,甚至我可以講佢係一部『電影字典』,好多關於電影資料,尤其佢係超級占士邦同李小龍迷,你隨時問佢,佢隨時話到俾你聽。

「佢記性係非常之好,甚至好多香港演藝界台前幕後需要幫助,或者提供資料,佢都會義不容辭,唔會計較任何回報,有問必答。」

相關新聞:【肥施離世】拍檔車保羅未見最後一面 哭泣道別:英雄,一路走好

林嘉華更盛讚施介強是位超級大好人,喜歡幫人,他說:「如果你話冇地方住,佢都歡迎你去佢屋企住,我相信演藝界好多人對佢曾經幫助,應該都覺得今次佢離世係好可惜嘅事。佢突然離世消息,對我嚟講冇咗一個好朋友……」說至此,林嘉華已忍不住哭了起來。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載