› 選擇地區
三藩市
紐約
洛杉磯
其他美國地區
香港 台灣 北美
 
2018年02月25日

【轉眼十七年】恭喜阿媽拎冠軍 楊思琦囡囡話想做香港小姐

建立時間 (HKT): 0225 16:32

楊思琦、陳鍵鋒、彭懷安、歐錦棠、何華超及胡子彤等,今日去到將軍澳消防及救護學院,為電視劇《火速救兵IV》出席開鏡儀式 。

喺劇中飾演坍塌拯救專隊隊長嘅陳鍵鋒表示,今次飾演消防隊長,了解到消防員每日工作嘅心理壓力,對於依家少咗喺香港拍劇,陳鍵鋒話:「係一年一度,今次因為故事吸引,喺香港拍攝近屋企,而且今次人工高,依家空餘時間會報讀短期課程,嚟緊想修讀一啲演藝課程,就算喺大陸拍戲,空餘時間都會用嚟讀書。」

楊思琦表示,一直恨拍《火速救兵》系列,思琦過往曾夢想做消防員,佢話:「不過體能上嘅要求,自己做唔到,今次雖然唔係飾演消防員,但係總算有份參與演出。」楊思琦嘅囡囡,最近有睇番佢過往嘅作品,思琦話:「 囡囡發現我曾經拍過教育電視節目,仲恭喜我拎咗香港小姐冠軍,其實已經係17年前嘅事,阿女睇到我得獎嘅片段,恭喜我,自己覺得好特別,以前都有同佢提過,可能佢唔知係咩嚟,o依家佢覺得好神奇,佢好興奮話自己都想做香港小姐,叫我俾個后冠佢睇,不過o依家個后冠鎖咗喺保險箱。」

精選娛聞,喺晒《娛果》
http://fb.com/appledailyent

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載